IRUDEK Bidasoa Irun izango da aurrerantzean Bidasoa Irun taldearen izen berria. Izan ere, Gipuzkoako altuerako erorketen aurkako babes eta bizitza-lineen alorreko enpresa den Irudek eta Bidasoa Kirol Elkarteak euren harremana sendotu dute. Horrela, 2021ean sinatutako lankidetza-hitzarmena berretsi dute. Gainera, Bunzl enpresa ere Bidasoa Irunekin bat egin du, non-food irtenbide integraletan mota guztietako erakundeentzako merkatu liderraren artean dagoena. Bere marka lehen taldeko jokalarien elastikoen eskuineko mahukan agertuko da.
Azken 28 urteetan lehen aldiz Bidasoa Irunek izen komertzial berria izango du: IRUDEK Bidasoa Irun. Atzo goizean, Bidasoa Kirol Elkarteko presidente Gurutz Aginagaldek, Irudekeko zuzendari nagusi Jesús Yereguik eta Bunzl-eko zuzendari nagusi Mario Ballarínek aurkeztu zituzten lankidetza-hitzarmen honen xehetasunak Irudek-en egoitzan, Iruneko taldeko jokalari guztien presentziarekin.
Gurutz Aginagaldek hitzarmen honen garrantzia azpimarratu du, “klubaren proiektuan aurrerapauso bat” dela adieraziz, eta azken urteotan Iruneko Udalak izen instituzionalaren inguruan izan duen garrantzia ere nabarmendu du. “Oso egun garrantzitsua da Bidasoa Kirol Elkartearentzat. Klubak, 28 urteren ostean, enpresa baten naminga berreskuratzen du. Irudek bezalako enpresa familiar bat, Europa eta mundura irekia, gure balioekin bat egiten duena, lehen taldearen izen komertziala hartzea oso garrantzitsua da guretzat”, azaldu du Aginagaldek. Club Deportivo Bidasoako presidenteak eskerrak eman nahi izan dizkio Bunzli ere, proiektu bidasotarraren parte izateko izan duen konfiantzagatik. “Eskerrak eman, alde batetik, Mario Ballaríni (Bunzl) eta Txus Yereguiri (Irudek Group) haien lankidetzagatik eta dena positiboa eta emankorra izatea espero dut, gaur hasten den ibilbide hau denboran luzatzea lortzen bada, seinale ona izango da”, adierazi du Aginagaldek.
Bestalde, Jesús Yeregui Irudekeko zuzendari nagusiak nabarmendu nahi izan zuen erakundeak Bidasoa Irun eta eskubaloiaren alde egindako apustua. “Guretzat Irudek Bidasoa Irun izena hartzea eta babesa ematea harrotasun izugarria da. Guk ere nahi dugu kluba gurekin batera haztea, eta guk klubarekin batera haztea. Urte batzuk daramatzagu Bidasoa babesten modu batean, eta hau aurrerapauso bat da, denboran mamitu dena”, azaldu zuen Yereguik. Horrez gain, babesletza honek Irudekentzat duen esanahia ere aipatu zuen. “Guretzat gure tokiko esentzia da hau, eta aldi berean, Bunzl bezalako talde global baten sendotasunarekin. Babesletzaz harago, balioen, ikuspegiaren eta gure ingurunearekiko konpromisoaren arteko aliantza bat da. Irudek eta Bidasoa orain elkarrekin doaz, eta bakoitza bere arloan, gure onena ematea da helburua”, adierazi zuen.
Horrela, datozen urteetarako, Irudek izango da Bidasoa Irunen izena, eta klubari laguntzen jarraituko dio hazten jarraitzeko eta aurrera pausoak ematen segitzeko.
Irudekeri buruz
Irudek familia-enpresa independentea da, 1990ean sortua Tolosan (Euskal Herria), honako misioarekin: “segurtasun-produktu berritzaile eta kalitatezkoak sortzea, denontzat.” Diseinu berritzailean, kalitate aitortuan eta erosotasun handienean oinarritutako produktuak fabrikatzen espezializatu gara.
Hasieratik, Irudekek hazkunde nabarmena izan du, eta altuerako erorketen aurkako babes-ekipoen, bizitza-lineen eta lan-segurtasunerako bestelako soluzioen fabrikatzaile nagusietako bat bihurtu da, sektoreko lider gisa sendotuz.
Gaur egun, Irudek Groupek bi marka propio ditu:
Irudek: Altuerako erorketen aurkako babesean eta bizitza-lineetan espezializatua.
Irudek Protection: Babes sentsorialean zentratua.
50 herrialde baino gehiagotan presente daude, eta beraien nazioarteko presentzia zabaltzen ari dira, mundu mailako marka erreferente bihurtzeko helburuarekin.
Irudek taldea honako enpresek osatzen dute: Irudek España (egoitza nagusia), Irudek Italia, Irudek India eta Irudek Brasil. Horrez gain, ordezkaritza komertzialak ditugu Portugal, Polonia, Ekialdeko Europa, Erresuma Batua, Kolonbia, Mexiko, Erdialdeko Amerika, DACH eskualdea eta Singapurren.
Bunzli buruz
Mario Ballarín Bunzleko zuzendari nagusiak azaldu duenez, “Bunzl Erresuma Batuko multinazionala da, Londreseko burtsan kotizatzen duena, eta kolektibitateentzako ordezko materialen banaketan aritzen dena”. Gainera, gehitu du: “Bunzl Taldea 33 herrialdetan presente dagoela, batez ere Europako herrialde guztietan, Hego Amerikan, Ipar Amerikan, Australian eta Zeelanda Berrian. Bere berezitasuna da herrialde ezberdinetan sektoreko liderrak diren enpresak erosten dituela, eta enpresa horien tokiko esentzia mantentzen duela, Irudek-en kasuan bezala”.
Ballarínek azaldu du nola uztartzen diren babesletza hau, Bidasoa Kirol Elkartea eta Irudek: “Guk nahi dugu Irudek-ek tokiko komunitateari eta balioei laguntzen jarraitzea eta elkarlanean aritzea, eta balio horiek oso ondo egokitzen dira eskubaloiaren mundura. Harrotasun handia da guretzat zuen bezalako eskubaloi-klub historiko bat babestea”.
