Bihar, asteartea, hilak 18, 15:30etatik aurrera, doako gonbidapenak erretiratu ahal izango dira Gabonetako doako zine emanaldietako. Saioetako bat Bizinemak eta Txikis del Bidasoak dinamizatutako zinema-saioa izango da. Bestea, familientzako zinema egokitua, bereziki, Autismoaren Espektroko Nahasmendua (AEN) duten pertsonei zuzenduta.
Hain zuzen ere, “Eduardo Manostijeras” eta “Los Exploradores” filmak emango dira aurtengo Gabonetan. Sarrerak udalaren webgunean, Luis Marianoko lorategietan dagoen Turismo Bulegoan edota Amaia KZren leihatilan bertan eskuratu ahal izango dira.
“Eduardo Manostijeras” filmaren proiekzioa 2025eko abenduaren 28an izango da. Urtero egiten den Gabonetako zine hitzordua da, Amaiara kultur zentroan egiten dena. Bertaratzen direnek filmaren eta Tim Burtonen materialaren erakusketa bat, photocall dibertigarri bat eta karakterizatuta datozenentzako zozketa bat izango dituzte, sorpresa batzuekin batera.
Zinema egokituko saioa 2026ko urtarrilaren 3an izango da eta “Los Exploradores” filma proiektatuko da, batez ere Autismoaren Espektroko Nahasmendua (AEN) duten pertsonentzat eta beste behar berezi batzuk dituztenentzat mesedegarria den giroarekin. Giro horren ezaugarri nagusia trailerrik eta iragarkirik ez izatea da, argi eta soinu ahulak bermatzeaz gain, proiekzioan zehar altxatu ahal izateko eta Txiribueltak dinamizatutako eskulanen eta marrazkien gunera joateko aukerarekin.
“Eduardo Manostijeras”
Gaztelu batean bakarrik bizi den asmatzaile batek Edward gizon artifiziala sortzen du. Hala ere, asmatzailea bere proiektua amaitu baino lehen hil egiten da, eta Edward marrazekin uzten du eskuen ordez. Bere sortzailea hil ondoren, Edward ilunpetan bizi da Peg Bossek ezagutu eta etxera eraman arte. Laster ezagutuko dute Edward auzoan, lorezaintza eta ile-apaindegi dohainengatik. Hala ere, Edward Kimen alabaz maitemintzen denean arazoak hasten dira.
“Eduardo Manostijeras” filmaren proiekzioak honako saltoki hauen laguntza izango du: Mary Berry, D & S, Bost, Jeca, C.D. Bidasoa, Frutería De Perita, Edertu, KE Albistur, Yon Gallardo, Picking Pack, Hirubelar, Tinta Cómics, Pasquier Recondo, Coca Cola, Telepizza, Real Unión eta Zinnia.
“Los Exploradores”
Alfontso irudimen handiko 11 urteko mutikoa da. Abenturazale familia baten ondorengo legitimoa izaki, etengabe borrokatzen da beste inork ikusi ezin dituen munstroen aurka bere herria salbatzeko. Bere lagun bakarra, Pancho, ondoan bizi da, baina bere adiskidetasuna isilpean gorde behar da, bere familiak etsaituta baitaude.
Ekaitz bat hurbiltzen den bitartean, Carrasco izeneko enpresari susmagarri batek herriko etxe guztiak bisitatzen ditu eta familia gehienek (Alfontsorena izan ezik) errefusatu ezin duten eskaintza egiten du. Ondorioz, etxeak saldu eta luxuzko etxebizitzen komunitatera eta “Carrasco Land” jolas-parkera aldatzen dira.
Ekaitzaren atzean zerbait arraroa dagoela uste duen pertsona bakarra Alfontso da. Horretarako, Pancho eta Victoria (Panchoren laguna eta Alfontsoren maitasun sekretua) errekrutatzen ditu basoetan sartu eta ekaitzaren erantzulea dela uste duen munstroa harrapatzeko.
