Martxoaren 8an egutegian morez markatutako eguna da. Egun horretan ospatzen den Emakumeen Nazioarteko Egunaren harira, Hondarribia, Hendaia eta Irungo kaleak aldarriz eta jendez bete ziren. Zapi morea lepoan edo eskumuturrean loturik, milaka pertsona M8 Asanblada Feminista Bidasoak deituriko elkarretaratzera batu ziren. Irungo San Juan plaza izan zen ibilbidearen helmuga, morez argiztatutako udaletxearen aurrean.
