Irungo Udalbatzar aretoan 2030 Eskola Agendaren ikasturte amaierako ekitaldia egin da gaur goizean. Bertan, hiriko hamahiru ikastetxetako ehun ikasle inguruk hartu dute parte, Cristina Laborda alkatearekin eta Borja Olazabal Garapen Jasangarriko ordezkariarekin batera. Aurten, ikasleek “Ekosistema lurtarren bizitza” gaia landu dute sakon, bereziki bioaniztasuna, basoak eta lurzoruaren kontserbazioa aztertuz, Garapen Jasangarriko 15. Helburuarekin (GJH) bat eginez.
Ikasturtean zehar egindako lanketaren ondoren, ikasleek hiriko ingurumen-kudeaketa hobetzeko konpromisoak eta eskaera zehatzak aurkeztu dizkiote Udalari. Proposamen horien artean, berdeguneak zaintzeko neurriak, espezie inbaditzaileen kontrola eta hiriko biodibertsitatea babesteko ekimenak nabarmendu dira. Udal ordezkariak adi egon dira ikasleen kezkak entzuteko eta azaldutako eskaera horiei udal-politiken bidez nola erantzun dakiokeen aztertzeko konpromisoa hartu dute.
Eskola Agenda 2030
Eskola Agenda 2030 programak ikasleen kontzientzia kritikoa eta parte-hartze aktiboa sustatzea du helburu, gazteak hiriko erronka jasangarrietan inplikatu daitezen. Gaurko entzunaldiarekin, Irungo hezkuntza-komunitateak eta Udalak elkarlanean jarraitzen dute etorkizun berdeago baten alde, ikasgeletan landutako hausnarketak ekintza zehatz bihurtuz eta udal-kudeaketan txertatuz.
