Real 
Unión Rocak garaipena lortu du Galeko anexoan, lehen berrogeita bost minutuetan partida erabaki ondoren. Laster aurreratu dira Carlos Garcíaren mutilak, 7. minutuan 2-0 irabazten ari zirela. Lehen aukera arriskutsuan, 6 minutuan, Blancok irundarrak aurreratu ditu. Minutu bat geroago Palenzuelak egin du gola. Irundarrek nagusitasuna lortu dute eroso egon ez den Usurbil FT taldearen aurka. Palenzuelak berak, 43. minutuan, behin betiko 3-0ekoa sartu du.
Carlos Garcíaren taldeak lider jarraitzen du, 39 punturekin. Datorren asteburuan Astigarraga bisitatuko dute Astigarragako Mundarro FKE taldearen aurka jokatzeko.
