Zabalik dago Azken Portu eta Artaleku kiroldegietako bigarren hiruhilekoan izena emateko epea. Kiroldegietako bigarren hiruhilekorako izen-ematea martxoaren 3ra arte egin ahalko da. Guztira 4.203 plaza libre daude igerileku zein areto ezberdinetan egingo diren 376 ikastaroentzako.
Guztira, 376 izango dira hiruhileko honetan eskainiko diren ikastaroak. Horien artean, 245 igeriketa ikastaroak dira eta 131, berriz, kirolgedien areto ezberdinetan egingo diren ekintzak. Instalazioei dagokienez, 183 ikastaro Artalekun egingo dira eta 193, berriz, Azken Portun. Plaza libreen kopuruari dagokionez, aldiz, 1.825 pertsonentzako leku libreak daude Artalekun eta 2.351 Azken Portun.
Ikastaroen inguruko informazio guztia udal webgunearen bitartez kontsultatu daiteke, kirolaren atalaren barruan. Ikastaroetan izena eman nahi duten pertsonek izen-ematea online egiteko aukera izango dute webguneko esteka jarraituz. Hortaz gain, Artaleku zein Azken Portu kiroldegietan topatuko duten inprimakia betez gero ere ikastaroetarako izen-ematea egiteko aukera egongo da. Aurretiazko izen-emate epe hau abonatu zein abonatuak ez diren pertsonei zuzenduta dago eta epea martxoaren 3ra arte zabalik egongo da.
Izen-ematearen hurrengo fasean, berriz, aurreko urteetan erabilitako prozdura bera jarraituko da abunatu zein abunatuak ez diren pertsonekin. Baieztapena aurrez aurreko hitzordu bat aurretiaz eskatuz egin beharko da edo internet bidez. Hala ere, webgunearen zerbitzua erabiltzeko, ezinbestekoa izango da Irun Txartela gaurkotua edukitzea, udal webgunearen bitartez egin daitekeen tramite azkar baten bitartez.
Hitzorduen zozketa
Aurreko hiruhilekoetan egin bezala, hitzordu bakoitzean izen-emate bakarra egin ahalko da. Zerrenda bakoitzeko hitzorduak amaituta, ikastaro gehiagotan izen emateko aukera egongo da udal webgunearen bitartez, beti ere, ikastaro horietarako plaza libreak egotekotan. Behin hitzorduekin amaituta, izen-ematea ireki egingo da aurretiazko izen-ematerik egin ez duten pertsonek ikastaroetan izena emateko aukera izan dezaten.
Aurretiazko hitzorduak banatzeko zozketa martxoaren 4ko eguerdiko 12:00etan egingo da. Horren ostean, hitzorduen ordena zehazten duen zerrenda argitaratuko da, martxoaren 9tik aurrera izen-emateak formalizatzen hasteko. Artaleku eta Azken Portu kiroldegietako igeriketa proba martxoaren 7an egingo da goizean 10:00etatik 12:00etara eta, arratsaldean, 16:00etatik 17:00etara bi kiroldegietan.
