Bidasoa-Txingudi Mugaz Gaindiko Partzuergoak, Irun, Hondarribia eta Hendaiako udalek osatuak, bizikletaz egiteko doako bi bisita gidatu antolatu ditu datorren irailaren 19an eta 20an. 2026ko Mugikortasunaren Europako Astearen barruan kokatutako ekimen honen helburu nagusia mugaz gaindiko historia- eta natura-ondarea ezagutzera ematea da, mugikortasun jasangarria eta aire zabaleko jarduera uztartuz. Irteera biak goizeko 10:30ean izango dira Bidasoako Interpretazio Zentrotik (Iparralde hiribidea 63, Irun) eta ordu eta erdiko iraupena izango dute gutxi gorabehera.
Jarduera 12 urtetik gorako pertsonei zuzenduta dago (adingabeek heldu batekin joan beharko dute ezinbestean) eta parte-hartzaile bakoitzak bere bizikleta eraman beharko du. Kaskoa erabiltzea derrigorrezkoa da 16 urtetik beherakoentzat eta gomendagarria gainerako guztientzat. Ibilbidea hasi aurretik, antolatzaileek ur botilatxo bat, Badiako Bideari buruzko liburuxka bat eta mugaz gaindiko mugikortasun-mapa bat banatuko dizkiete bertaratutakoei, eta behin saioa amaituta, itzulera librea izango da norberak bere kabuz jarrai dezan.
Izen ematea
Plazak mugatuak dira, gehienez 12 pertsona onartuko baitira talde bakoitzeko zerbitzu hobea bermatzeko. Parte-hartzea doakoa den arren, aldez aurretik izena eman behar da aukeratutako bisitaren bezperara arte, informazio-karteleko QR kodearen bidez edo webgunean. Informazio gehiago jasotzeko edo zalantzak argitzeko, herritarrek helbidera idatz dezakete edo (+34) 943 50 96 00 zein (+34) 943 02 07 32 telefono zenbakietara deitu ezarritako arreta-ordutegietan.
