Euskal Herriko Txotxongilolarien Topaketak hirugarren edizioa ospatuko du Bidasoaldean, eta horren atarian txotxongiloentzako argiztapen formakuntza ikastaroa antolatu du Hondarribiko Kultur Etxean. Iazko edizioan Borja Insuak emandako saioaren arrakasta ikusita, aurtengo proposamenak argiztapen teknikoan sakontzeko aukera eskainiko die sektoreko profesionalei zein zaleei. Ikastaroa irailaren 30etik urriaren 2ra bitartean egingo da, goizeko 9:30etik 13:30era (12 ordu guztira), Kultur Etxeko lehen solairuan.
IkastaroaEuskal Herriko 3. Txotxongilo Topaketaren atarian egingo da, aurtengo edizioa urriaren 2tik 4ra egingo baita eskualdean. Prestakuntza Mario Copete argiztapen teknikoan eta txotxongiloetan espezializatutako adituak emango du, arloan 20 urte inguruko ibilbidea duenak. Hiru modulutan banatutako egitarauaren bidez, parte-hartzaileek argiztapenean parte hartzen duten elementuak (argi motak eta konexioak), argiztapen-diseinu baten oinarrizko alderdiak eta MagicQ sistemaren bidezko emanaldi baten programazio-oinarriak ikasiko dituzte.
Plazen esleipena
Tailerra 12 pertsonarentzat pentsatuta dago soilik, eta plazak izen-emate formularioa bete eta matrikularen ordainketa egiteko ordenaren arabera esleituko dira. Prezioa 30 eurokoa izango da OMAK-eko bazkideentzat, 50 eurokoa UNIMA federazioko kideentzat eta 75 eurokoa gainerako parte-hartzaileentzat. Tokia bermatzeko ezinbestekoa da izen-ematea bideratzea edo informazio gehiagorako txotxongilolariantopaketa@gmail.com helbidera idaztea.
