Urriaren 19an eta 20an, Euskal Herriko Txotxongilolarien Topaketa egingo da Irunen eta Hondarribian. Ostomila txotxongilo taldeak antolatutako topaketa berri honek, txotxongilolariak eta arte honen zaleak bilduko ditu. Horrela, parte hartzaileek Euskal Herriko txotxongilo antzerkiaren esperientziak, ezagutzak partekatzeko eta aniztasuna ospatzeko aukera izango dute.
Lehen edizio honetan, emakume Txotxongilolarien artean jarri da arreta, Euskal Herrian arte honen garapenari egindako ekarpen garrantzitsua aitortuz. Hausnarketa-mahaiak, ikuskizunen eta tailerren bidez, Txotxongilolarien ibilbidea, aurre egin beharreko erronkak eta etorkizunerako aukerak aztertuko dira.
Topaketak egitarau zabala eta parte-hartzailea izango du, hala nola: Hausnarketa-mahaiak, proiekzioak, kalejirak eta Euskal Herriko txotxongilo-antzerkiaren aniztasunaren adibide izan nahi duen bost konpainiaren lanen erakustaldiak. Topaketan gainera, Larraitz Urruzolaren Dona Barriga Verde antzezlana estreinatuko da euskaraz.
Doako jarduera irekiak
Euskal Herriko txotxongilolarien Topaketa proiektu autogestionatu eta independentea da, artisten, auzo-elkarteen, udalen eta hainbat kultur eragileren arteko lankidetzaren emaitza. Jarduera guztiak doakoak eta publikoari irekiak izango dira. Txotxongiloaren inguruko lana ikusaraztea, Euskal Herriko kultur sarea indartzea eta arte honen zaleentzat topaketa, sorkuntza eta hausnarketa gune bat sortzea helburu duen proiektua.
Urriaren 19an, larunbatean
- 11:00etan: Ezer. Behibi´s (Gipuzkoa). Dunboako auzo elkartea, Irun.
- 12:30ean: Dona Barriga Verges. Larraitz Urruzola (Galizia/EH). Eguraldi ona izanez gero Baluarten, bestela Kultur Etxean, Hondarribia.
- 14:00etan: Txotxongilolarien bazkaria. Larragane ostatua, Irun.
- 16:00etan: Basoa. Teatro Firulete (Nafarroa). Toki Alai eskola, Arbes, Irun.
- 17:30ean: Gogoeta mahai ingurua. Ibilbidea eta erronkak. Kabigorri Ateneoa, Irun.
- 19:00etan: Barriga Verde dokumentala. Morreu o Demo (Galizia). Hazia Kultur Elkartea, Irun.
- 21:00etan: Txotxongilolarien afaria. Kabigorri Ateneoa, Irun.
- 22:30ean: Txotxongilolarien Kabareta. Kabigorri Ateneoa, Irun.
Urriaren 20an, igandean
- 10:30ean: Kolorez kolore. Compañia Pantzart (Bizkaia). Elitxuko auzo elkartea, Irun.
- 11:30ean: Gogoeta mahaingurua. Sormena eta generoa. Elitxuko auzo elkartea, Irun.
- 13:00etan: Txotxongilolarien Kalegira Koloretsua. Elitxutik moskura, Irun.
- 14:00etan: Txotxongilolarien Bazkaria. Irungo Motor Elkartea, Irun.
- 18:00etan: Alaia Galtzagorria. Ostomila txotxongilo taldea. Eguraldi ona izanez gero Baluarten, bestela Kultur Etxean, Hondarribia.
