Irungo Udaleko Kultura arloak antolatuta, apirilean, zazpigarren artearen maitaleek zinearekin lotura duten hainbat jarduera gozatu ahal izango dituzte Irunen: pelikulak ikusi, tailerrak… eta guztia, hiritik atera gabe. Hona apirilean zehar egingo diren jarduera guztien zerrenda:
“La Consagración de la Primavera”
Fernando Francok zuzentzen du, eta Valeria Sorolla eta “La Consagración de la Primavera” (2022) filmean egindako lanagatik Aktore berri onenaren Goya saria jaso zuen Telmo Irureta aktoreak dira protagonistak. Igandean, apirilaren 16an, 19:00etan, emango da, Amaia KZn. Telmo Irureta aktorea bertan izango da.
Lauraren (Valeria Sorolla) eta Daviden (Telmo Irureta) arteko istorio delikatu, sakon eta egiaz betea. Laura Madrilera iritsi berria da, eta Davidek garuneko paralisia du, eta desgaitasuna eta sexua gaiari buruzko tabuak urratzen ditu.
“El Día de la Bestia”
18.95 programazioa, zineari eta animazioari eskainia, apirilaren 29an, larunbatean, amaituko da, 18:00etan, “El Día de la Bestia” filmarekin (1995). Alex de la Iglesia da filmaren zuzendaria.
Proiekzioaren aurretik, Webserieen tailerreko ikasleek egindako film laburrak proiektatuko dira. David Rodríguez Losada zinemagile irundarrak zuzendu du tailerra. Ondoren, 18:00etan, “El Día de la Bestia” ikusi ahal izango da.
Zine-tailer partizipatiboa
Ondoren, David R.L. zuzendariak berak, zine-tailer partizipatibo bat eskainiko du, eta bertan, zenbait kontzeptu zinematografiko azalduko ditu, “El Día de la Bestia” filmeko eszena batzuk birsortuz. Bi pertsonaia interpretatuko dira; alde batetik, Andoni Mutiloa aktoreak (“Esnatu Naiz Kabareta”, 2021) Santiago Segura aktorearen rola beteko du. Haren jardunarekin batera, ikusleek aukera izango dute Alex Angulo aktorearen papera ere birsortzeko.
Sarrerak
“La Consagración de la Primavera” filmerako zein “El Día de la Bestia” filmerako, sarrerek 5,50 euro balio dituzte, eta gaurtik aurrera Amaia KZren webgunearen bidez eskuratu ahal izango dira, www.irun.org/sarrerak estekaren bidez, edo zentroko txartel-leihatilan ere bai, ordubete lehenago, betiere sarrerarik geratzen bada.
