Pasa den asteburuan Gipuzkoako Eskolarteko Talde eta Errelebo Txapelketa jokatu zen. Bertan Super Amara BATeko haur mailako taldeek euren maila erakutsi zuten. Super Amara BAT “A” taldeko neskak, Gipuzkoako txapeldunordeak izan ziren taldeka eta urrea lortu zuten erreleboetan. Super Amara BAT “A”-ko mutilak Gipuzkoako txapeldunorde izan ziren eta brontzea erreleboetan
Nesken taldeak
Klubak hiru talde aurkeztu zituen emakumezkoetan. “A” taldeak merezimenduzko bigarren postua lortu zuen 74 punturekin, Realarekin berdinduta, garaipen kopuruagatik gaindituz. Errelebo-proban, talde bera izan zen Gipuzkoako txapeldun 41,88 segundoko denborarekin, Txindoki (42,38 s) eta Jakintzaren (42,82 s) aurretik. A taldea Sulaf Manla-Hasan, Amane Arruabarrena, Maren Martin, Eider Eizaguirre, Gabrielly López, Nora González eta Ane Placeresek osatu zuten.
“B” taldea bosgarren izan zen sailkapen orokorrean 50 punturekin eta laugarren erreleboetan; “C” taldeak 11. amaitu zuen 19 punturekin eta bederatzigarren erreleboetan.
Mutilen taldeak
Mutiletan ere hiru talderekin lehiatu zen. “A” taldeak bigarren postua lortu du 65 punturekin, Txindokiren atzetik (70 puntu) eta Hernaniren aurretik (56,50 puntu). Gainera, brontzezko domina eskuratu zuten erreleboetan 41,22 segundoko denbora onarekin. Adur Muñoz, Ibai Erguin, Eñaut Aguilar, Adur Errazkin, Zhu Yuxuan, Aiur Martin eta Danel Laportek osatu zuten taldea.
Bi A taldeek, emakumezkoek zein gizonezkoek, Eskolarteko Euskadiko Txapelketarako sailkapena lortu dute, eta ilusioz eta Euskal Herriko onenen artean egoteko aukerekin iritsiko dira.
