Santiagoko Deabruak elkarteak, Beldurraren Pasabidearen 17. edizioa antolatu du azaroaren 9rako. Lau urte pasa ondoren, Irungo Ficoba erakustazokako 1. pabiloian egingo da berriro, 100 metro baino gehiago duen ibilbide batekin. Hamar eremu tematikoak izango ditu, eta 30 aktore baino gehiago izango ditu protagonista, publikoa beldurraren beldurrez gozarazteko prest.
Beldurraren pasabidea azaroaren 9an izango da, larunbatean, 17:00etatik 20:30era, eta sarrera bakoitzaren prezioa 4 eurokoa izango da. Sarrerak salgai daude dagoeneko eta aldez aurretik erosi beharko dira. Azaroaren 2an, 4an, 5ean eta 6an, Luis Marianoko Irungo Turismo Bulegoan, arratsaldeko 17:00etatik 19:00etara erosi ahalko dira. Sarrerarik geratzen badira, ikuskizunaren egunean bertan salduko dira Ficoban,16:45etik aurrera.
Adin guztientzako ikuskizuna
Beldurraren Pasabidean parte hartzeko ez dago adin mugarik. Hala ere, sarrerak erosterakoan edo ekitaldira iristerakoan, antolatzaileek gurasoei lan ederra egiten dutela eta benetan beldurgarriak direla abisatzen diete, hau kontuan har dezaten.”Familia bakoitzak inork baino hobeto ezagutzen ditu bere adingabeak, beraz, haien esku uzten dugu parte hartu behar duten edo ez erabakitzea”, adierazi dute antolatzaileek. Gainera, ibilbideak 3 edo 4 larrialdi irteera ditu, norbaitek noizbait jarraitu nahi ez badu bertatik atera ahal izateko.
Afizionatuak pasioz
Beldurrarren Pasabidearen aktoreak eta makillatzaileak amateurrak dira. Pertsonaiak makillatzen aritzen diren 4 edo 5 pertsonako talde batek osatzen du, pasabidea abiatu baino ia hiru ordu lehenagotik, xehetasun bakoitza zehatz-mehatz prestatuz, esperientzia murgiltzailea eta beldurgarria izan dadin.
Aparkalekua eta sarbidea
Bertaratzen direnak eroso joan ahal izango dira ekitaldira, Ficobako aparkalekua doakoa baita. Gainera, Topoan iritsi ahal izango dira, Euskotrenen geltokia Ficobatik 50 metrora baitago.
