Igandean, ekainaren 18an, 19:00etan, Amaia Kultur Zentroa festaz jantziko da Irungo Ametsa Abesbatzari ongietorria emateko, San Martzial aurreko ohiko kontzertuan.
Fernando Etxepare Gomezen zuzendaritzapean, abesbatzako berrogei ahots mistoek Opera eta Zarzuela ezagunetako zatiak abestuko dituzte errepertorio herrikoi, erakargarri eta enblematikoa osatuz, gehienak entzuleentzat ezagunak izango direnak.
Sarrerak salgai daude dagoeneko Amaiaren leihatilan eta webgunean, 15 eurotan sarrera orokorra, 10 euro bazkideentzat eta 5 euro gazteentzat.
Errepertorioa
- 1. zatia
OPERA / Giuseppe VERDI
1- LA PROFECIA de NABUCCO
2- VEDI LE FOSCHE NOTTURNE de Il TOVATORE,
3- CORO DI ZINGARELLE, de LA TRAVIATA
4- CORO DI MATTADORI SPAGNOLI de LA TRAVIATA
5- CORO DE ESCLAVOS de NABUCCO.
- 2. zatia
ZARZUELA
1-CORO DE PESCADORES , de LOS GAVILANES – Jacinto Guerrero
2-CORO DE LAGARTERANAS de EL HUESPED DEL SEVILLANO – Jacinto Guerrero
3-CORO DE PAJES de EL REY QUE RABIO -Ruperto Chapí
4-CORO DE ROMANTICOS de DOÑA FRANCISQUITA- Amadeo Vives
5-CORO DE VIUDAS de LA CORTE DEL FARAON – Vicente LLeo
6-RONDA DE ENAMORADOS de LA DEL SOTO DEL PARRAL – Reveriano Soutullo y Juan Vert
7-CORO DE ESPIGADORAS de LA ROSA DEL AZAFRAN – Jacinto Guerrero
8-CORO DE BARQUILLEROS de AGUA-AZUCARILLOS-AGUARDIENTE – Federico Chueca
9-SEGUIDILLAS de LA VERBANA DE LA PALOMA – Tomás Bretón
“Tu es Petrus”
Era berean, Irungo abesbatza kajoitik ateratzear dago Eslavako “Tu es Petrus” obraren partitura. Ohi bezala, ekainaren 29an abestuko da Juncal parrokian.
“Fernando Etxepare, egungo zuzendariaren aita, abesbatzako lehen zuzendari eta alma matter izan zenak hasi zuen tradizioa eta bere helburua Irungo abesbatza ezberdinetan abesten zuten ahots guztiak parte hartzera gonbidatzea zen. Gure asmoa bere ereduarekin jarraitzea da; beraz, hemendik gonbidapen bera luzatzen dugu “, azaltzen du Juantxo Atxukarrok, elkarteko presidenteak.
Beraz, ekitaldian parte hartu nahi duenak ekainaren 27an eta 28an egingo diren entseguetara joan ahal izango du, 20:00etan, abesbatzaren aretoan.
Txikien matrikulazioa
Azkenik, esan behar da datorren ikasturterako matrikulazioa zabalik dagoela, bai haurrentzako tailerretarako, 0 eta 7 urte bitartekoak, bai haurren abesbatzarako, 7 eta 14 urte bitartekoak. Izan ere, ez da ahaztu behar Ametsa Abesbatza Kultur Elkarteak hamarkadak daramatzala musika korala adin guztietako irundarrei hurbiltzen, elkartea osatzen duten taldeen bitartez. Ikastaroen inguruko informazio gehiago abesbatzaren webgunean edo secretaria@coroametsa.org helbidera idatziz.
