Igande honetan, hilak 5, Errege magoen desfilea egingo dela 17:30etatik 20:00etara, eta zenbait aldaketa izango direla kale hauetako zirkulazioan: Letxunborro hiribidea, Hondarribia kalea, Colón pasealekua, Gipuzkoa hiribidea eta San Martzial kalea.
Renfeko tren-geltokiko sarbidea itxita egongo da 17:30etatik 18:20 arte. 18:20etatik aurrera berriz irekita egongo da, baina Anaka kaletik bakarrik. Txanaleta plazako ibilbide luzeko autobus-geltokia zerbitzurik gabe geratuko da 17:30etatik 19:30etara.
Taxi-zerbitzua:
San Juan plazako geltokia: itxita.
Jose Ramon Agirretxeko geltokia: Gipuzkoa hiribidetik sartu beharko da, Luis Mariano kalean barrena, ohiko geltokira joateko. Irteteko, Joaquin Gamon kaletik Pikoketa kalera eta bertatik Gipuzkoa hiribideraino, Elizatxo hiribideko norakoan.
Autobus-zerbitzuko aldaketak
Autobusei dagokienez, aldaketa hauek izango ditu zerbitzuak:
- Zaisa-Ospitalea:
Ospitalerantz: 17:30eko irteeratik 20:00ak aldera arte. Autobusak Osinbiribileko biribilgunera iritsiko dira eta geldialdia egongo dute Dunboako anbulatorioaren ondoan bidaiariak hartzeko, baina geltokian sartu gabe, eta ondoren GI-636 errepidetik joango dira zuzenean ospitalera.
Zaisarantz: 17:30eko irteeratik 20:00ak aldera arte. Autobusa Aldabe mendira iritsiko da, eta ospitalera joango da GI-636 errepidean barrena Osinbiribileraino, Dunboako anbulatorioaren ondoan geratuko da geltokira sartu gabe, eta bertatik ohiko ibilbidea egingo du Zaisaraino.
L2. San Juan-Katea-Txingudi:
18:00etatik 20:00etara bitartean gutxi gorabehera:Fermin Calbetoneko lineaburua Elizatxo hiribideko eskola-geltokian egingo da, Sindikalaren aurrean.
L3. San juan – Artia:
17:30etatik 20:30etara bitartean gutxi gorabehera: Lineaburua Arbesko biribilguneko geralekuan egongo da. (Nafarroa hiribideko eta Fermin Calbeton kaleko geralekuak, itxita)
L4. San Juan – Antzaran – Olaberria:
17:45etatik 20:15etara bitartean gutxi gorabehera: Lineaburua (Fermin Calbeton kaleko geralekua) Elizatxo hiribideko 11. zenbakian egongo da, Olibondoen biribilgunean.
Murrizketak desfilearen azkenak aurrera egin eta oinezkoen segurtasuna bermatu ahala kenduko dira.
