Euskadiko Itsasargien Lagunak Kultura Elkarteak, urtero legez, haurrentzako marrazki lehiaketa antolatu du. Aurten Irungo Pinudi parkean egingo dute lehiaketa datorren larunbatean, irailak 20, goizeko 11:00etan hasita.
Lehiaketan parte hartu nahi duten haurrek goizeko 11:30ak arte izango dute izena emateko aukera. Ekitaldian hiru kategoria ezarri dira, adinaren arabera: A kategoria 3 eta 5 urte arteko haurrentzat, B kategoria, 6 eta 8, urte arteko haurrentzat eta C kategoria 9 eta 12 urte arteko haurrentzat.
Antolatzaileek adierazi dutenez, haurrek nahi duten teknika erabil dezakete, hala nola pinturak, akuarelak, argizariak edo arkatzak. Parte-hartzaile guztiek opari bat jasoko dute, eta kategoria bakoitzeko irabazleek sari berezi bat izango dute.
