Euskadiko Itsasargien Lagunak kultur elkarteak bigarren urtez jarraian Christmas lehiaketa antolatu du. Parte hartzaileentzako adin mugarik gabeko lehiaketa izango da, baina bakoitzak Christmas bakarra aurkeztu ahalko du. Lehiaketako gaia itsasargiak eta Eguberriak dira. Marrazkiak 2024ko azaroaren 9tik abenduaren 8ko 23:59ak arte bidali ahal izango dira.
Elkarteak marrazki irabazlea erabiliko du Eguberriak zoriontzeko. Beraz, elkartearen blogean eta sare sozialetan agertuko da, eta gure bazkideei, laguntzaileei, elkarteei eta abarri bidaliko zaie. Lanak originala eta argitaragabekoa izan behar du. Era berean, ez dira onartuko kopia bat, originalen erreprodukzio bat edo Internetetik hartutako irudi bat baldin bada.
Lehiaketan parte hartzeko, lana elkartearen amigosfaroseuskadi@gmail.com posta elektronikora bidaliko da JPG edo PDF formatuan, 300 ppp-ko gutxieneko bereizmena duela. Marrazkia egiteko pinturako edozein teknikak balio du: koloretako arkatzak, argizariak, errotuladorea, akuarelak, digitala…
Irabazlearen aukeraketa
Epaimahaiaren erabakia 2024ko abenduaren 9ko astean jakinaraziko da. Irabazleari 50 euroko saria emango zaio, eta itsasargiei buruzko hainbat artikulu. Arteekin zerikusia duten kide gaituek osatuko dute lehiaketaren epaimahaia. Originaltasuna eta irudimena, sormen artistikoa, erabilitako teknikak, eguberri-giroa eta osoko emaitza estetikoa baloratuko dira. Epaimahaiak ahalmena du oinarri hauek interpretatzeko edo edozein ezusteko erabakitzeko.Era berean, paimahaiaren erabakia apelaezina da.
Lehiaketaren oinarriak elkartearen webgunean kontsultatu daitezke.
