Irungo Udaleko Kultura arloak jakinarazten du Pikoketa kaleko 9. Zenbakian dagoen Udalaren Zeramika Tailerrak Neriage teknikaren masterclass bat eskainiko duela.Hitzordua datorren ostiralean, azaroaren 15ean, 10:00etatik 18:00etara izango da. 16 urtetik gorakoek eman ahal izango dute izena, datorren asteazkenera arte, azaroak 13ra arte.
Izen emate udal webgunearen bitartez egin behar da, 40,80 euro ordainduta. Zalantzarik izateko edo informazio gehiago nahi izanez gero, hauxe da harremanetarako telefono-zenbakia: 617 47 90 21.
Masterclassean, atsedenaldia egingo da bazkaltzeko, tailerretik gertu nahiz tailerrean bertan, nahi izanez gero ikasleak bere janaria eraman dezaten.
Neriage teknika
Neriage teknika arte-modu ezaguna da gaitasun handia duelako diseinu korapilatsuetan eta patroi kartsuetan buztin koloreztatuak konbinatzeko. Koloretako buztinen geruzen eta nahasketen teknika zorrotza eskatzen du askotariko ikusizko patroiak sortzeko, eta, beraz, beharrezkoa da aldez aurretik zeramikako ezagutzak edukitzea eta praktikatu izana.
