Eusko Jaurlaritzako Osasun Sailak Irungo Udalak eskainitako Elizatxo etorbideko lokalaren lagapena onartu du. 542 metro karratu dituen lokala da, Irun Erdialdeko anbulatoriotik oso gertu kokatua dagoena. Era berean, Gainera, Cristina Laborda alkatea Eusko Jaurlaritzarekin elkarlanean jarraitzeko prest agertu da, osasun sistema publikoa indartzeko, udalerrian osasun arreta hobetzeko premia berretsiz.
Cristina Laborda alkateak positibotzat jo du lagapena: “Osasungintza Eusko Jaurlaritzaren eskumena da, baina Udaletik modu aktibo eta arduratsuan laguntzen jarraitzen dugu, gure baliabideak Osasun Sailaren esku jarriz, gure hiriko osasun sistemaren kalitatea hobetzen laguntzeko”, adierazi du alkateak. Zentzu horretan, alkateak gogoratu du aurtengo urtarrilean Udalak jada iragarri zuela udal lokalak erabilgarri egongo zirela osasun gaietarako. “Gaur ospatzen dugu lagapena formalki eskatu izana. Urrats honen bitartez, lankidetzarako gure borondatea eta herritarrekiko konpromisoa berresten dugu”, nabarmendu du Labordak.
Elizatxo etorbideko lokala
Irungo Udalak lagatzen duen lokalak 542 metro karratu ditu, eta sarrera nagusia IRUNVIko eraikin batean dago, Irun Erdialdeko anbulatoriotik oso gertu. Goiko solairuetan babes ofizialeko 42 etxebizitza daude, non 2024ko martxotik jendea bizi dena. Fisikoki, fatxada nagusiak Alarde kalearen eta Euskal Herria etorbidearen arteko izkinan egoteko aukera ematen duen erdisotoa da. Horrela, etorbide horretatik, pertsona guztien irisgarritasuna bermatzen da. Lokalaren altuera lau metrokoa da, baina murriztu egin daiteke amaierako akaberaren arabera. Espazioa gardena da, eta isolatuta dago zaratari eta bibrazioei dagokienez, indarrean dagoen araudia betez.
Osasun premiak
Alkateak, hala ere, Irun aspalditik eskatzen ari den hobekuntzetan aurrera egiteko beharra azpimarratu du. “Denbora gehiegi daramagu benetako inbertsioen zain, gure hirirako ezinbestekoak diren azpiegiturak eta osasun zerbitzuak hobetzeko zain. Herritarrek osasun publiko indartsu eta hurbila merezi dute”, gaineratu du. Irungo Udalak berretsi du oso garrantzitsua dela jardueren egutegi zehatza zein den, aurreikusitako epeak zeintzuk diren eta Osasun Sailak garatu beharreko hurrengo urratsak zein izango diren ezagutzea. “Azpiegiturekin batera kalitatezko zerbitzu publikoa emateko behar diren osasun zerbitzuak aurkeztu behar dira”, azpimarratu du alkateak.
Azkenik, Labordak gogora ekarri du Oinaurreko lursaila lagatzeko udalak erakutsitako prestasuna, erantzunik jaso ez duena: “Gure esku dagoen guztia egiten jarraituko dugu Irunen osasun arreta hobetzeko. Lehentasun bat da gobernu honentzat, eta gure bizilagunen eskaera justu bat”, amaitu du.
