Irungo Udalak jakinarazi du irailaren 1ean (osteguna) garraio publikoaren tarifak murriztuko direla. Ekimen hori garraio kolektiboa sustatzeko Gobernu Zentralaren lege-dekretuaren ondorioa da, eta, horretarako, txartelaren prezioaren % 30eko hobaria ematen da.
Gure hiriaren kasuan, eta Gipuzkoako Garraio Agintaritzaren eskutik, udalak erabaki zuen beherapena % 50erainokoa izatea, eta, beraz, bere gain hartuko du Irungo garraio publikoaren erabiltzaileei ere laguntza hori ematea, gainerako % 20 horrekin. Miguel Ángel Páez jarduneko alkateak zera nabarmendu du: “Pandemia ondoko garai honetan, badakigu etxeetako kontsumoak hazten ari direla, eta, horregatik, inpaktua arintzen lagundu nahi dugu, eta, horretarako, gure asmoa da joan-etorri jasangarriak bultzatzea garraio publikoan“.
Praktikan, gaurtik aurrera, Irunbuseko autobusetan, taxibusetan eta landa-autobusetan Mugi txartela erabiltzen dutenek % 50erainoko beherapenak izango dituzte txartelean. Lege-dekretuak dioen bezala, tarifa hauek abenduaren 31 arte egongo dira indarrean:
| Bidai 1etik 20ra bitarteko TXARTELA | MUGI | 0,40 |
| 21 Bidaitatik 50era bitarteko TXARTELA | MUGI | 0,33 |
| 50 bidaietatik gorako TXARTELA (guztiak, gazteak izan ezik) | MUGI | 0,08 |
| 50 bidaietatik gorako TXARTELAK (gazteak) | MUGI | 0,00 |
| TXARTELA ANONIMOAREN ERABILTZAILEAK | MUGI | 0,63 |
| ESKARIPEKO TAXIBUS/GARRAIOA | 0,40 | |
| MUGI / LURRALDEBUS TXARTELAREN TITULARRAK | 0,40 |
Mugi txartela duten kolektiboei aplikatutako deskontuak bere horretan mantentzen dira; beraz, bai gazte, adineko, pertsona ezgaitu eta familia ugarien kolektiboek prezio murriztuagoak izango dituzte joan-etorrietan.
