“Nicolás Guerendiain” Irungo Errepublikarrak elkarteak II. Errepublikaren 93. Urteurrena gogoratzeko ekitaldia antolatu du apirilaren 14rako, iganderako. Ekitaldia CBA liburutegiaren sarreran dagoen Almudena Grandes plazatxoan egingo da goizeko 12:30etatik aurrera.
Txalaparta doinuekin hasiko da ekitaldia. Komunikatu bat irakurri ondoren, bandera errepublikarra igoko da. “Nicolás Guerendiain” Irungo Errepublikarrak elkartetik hiritarrak animatu dituzte balkoietan bandera errepublikarra jartzeko.
