- Mikropigmentazio estetikoa
- Mikropigmentazio paramedikoa
- Ikastaroak
Irene Lavín Micropigmentación zentroa Oinaurre auzoko Jostun kaleko 9. zenbakian kokatutako estetikagunea da. Irene Lavínek mikropigmentazio tratamenduak egiten ditu, Jessica Lavínek larruazalaren zainketarako tratamendu estetikoak egiten dituen bitartean. Bi ahizpa hauen eskuetan jarriz gero, zure edertasunaren gakoa non dagoen deskubrituko duzu.
Ezagutzen ez zaituztenentzat, esan dezakegu zuen jarduera hainbat adarretan banatzen dela, ezta?
Irene: Alde batetik, zerbitzu estetikoak ditugu, Jessicaren laguntzarekin. Ezpainei, eyelinner-ei edo bekainei ukitu berezia ematen diegu. Bakoitzak bere burua ondo ikusteko tratamenduak dira, edertasunaz gain, autoestimua edo bien nahasketa ere badelako. Hain zuzen ere, Jessica larruazala zaintzeaz arduratzen da eta, gainera, makillatzailea ere bada. Berak aurpegiko errutinak egiten ditu eta ni mikropigmentazioaz arduratzen naiz. Beste alde batetik, paziente onkologikoetara bideratuta dauden zerbitzu paramedikoak ere baditugu. Jendeak zalantza asko ditu gai honen inguruan eta horiek gurekin argitzea nahi dugu, haiei lagundu eta mikropigmentazioak buruhausterik sor ez diezaien. Azkenik, akademia ere badugu; pertsonen prestakuntza mailara egokitzen gara eta emaitza oso onak ematen ari da.
Mikropigmentazioari dagokionez, zeintzuk dira gehien eskatzen diren gorputz atalak?
Irene: Mikropigmentazioan, ezpainak eta bekainak dira orain udan gehien eskatzen direnak. Gainera, oso tratamendu atseginak dira, oso praktikoak baitira. Nik neuk oraintxe daramatzadan tratamenduak dira. Beraz, kakao pixka bat jartzearekin jada aurpegi ona duzula iruditzen zaizu. Goizean jaiki eta aurpegian argia duzula sentitzen duzu, nire ustez ezpainek argitasuna ematen diotelako aurpegiari. Bekainei dagokienez, une batetik aurrera denok galtzen dugu ile pixka bat aurpegiaren zonalde horretan, eta, beraz, soilgune horiek betetzeak asko laguntzen dio begiradari.
“Mikropigmentazioa etengabe berritzen ari den sektorea da, eta hori da nire lanetik gehien gustatzen zaidan gauzetako bat”
Irene Lavín, mikropigmentazioan aditua
Aldez aurretik egindako tratamenduak ezabatzeko edo zuzentzeko aukera ere ematen duzue, ezta?
Irene: Bai. Orain N-1 pikosegundo-laserra daukagu eta pozik gaude ematen ari den emaitzarekin. Jendea ere oso pozik dago, ez baitu orbainik edo markarik uzten. Teknologia horri esker, iletxo batetik hasi eta bekain oso bateraino ere ezabatu dezakegu, bai eta tatuaje oso bat ere.
Atal parademikoaren barruan, zeintzuk dira eskaintzen dituzuen zerbitzuak?
Irene: Jessica larruazala lantzeaz arduratzen da eta ni mikropigmentazioaz. Jendeak gai honi buruz duen zalantza handienetako bat mikropigmentazioa noiz egin behar den da, jasoko duten tratamenduaren aurretik edo ondoren. Hemendik jendea lasaitzen saiatzen gara, tratamenduaren aurretik zein ondoren egiteko prest baikaude. Bekainak izaten dira gehien eskatzen den alderdia, kimioterapia dela eta. Batzuetan eyeliner fin bat gehitzen dugu betileen galera konpentsatzeko eta, horrela, begiradari adierazpen pixka bat emateko. Bestalde, mastektomia jasan dutenentzat areolak egiten ditugu, titiburua barne. Oso politak eta errealistak geratzen dira, eta animoz asko laguntzen die pazienteei. Horregatik animatzen dugu jendea horrelako zerbait egiteko beldurra gal dezan, gainera, areolak, adibidez, doan egiten ari gara. Oso kontzientziatuta gaude gai onkologikoarekin, eta gure aletxoa jarri nahi dugu laguntzeko. Horretarako, laguntza eskaini diogu Minbiziaren Aurkako Elkarteari, eta protokolo espezifikoak ditugu.
Zalantza guztiak argitzeko, jendeak konpromisorik gabeko kontsultak egin diezazkizuke.
Jessica: Larruazalari dagokionez, jasotzen ari diren tratamenduen ondorioz, oso erasotuak eta sentsibilizatuak daude. Horregatik, saiatzen naiz haien azala ahalik eta ondoen zaintzen, eta, bide batez, mimatzen. Horretarako, tratamendu onkologikoa errutina kosmetiko egokiarekin konbinatzeko eta pixka bat arintzeko formula bilatzen saiatzen gara. Asko hondatzen eta fintzen diren larruak dira. Nik aholkularitza ematen diet eta errutina pertsonalizatuak prestatzen dizkiet, baita kabinako tratamenduak ere. Gehien betetzen nauen gauzetako bat zera da, bezeroak hemendik irteten direnean eskerrak ematea. Kabinan dagoen pertsona batekin aurpegiko tratamendu bat egiten ari naizenean, pertsona horrekin konektatzen saiatzen naiz, eta hemen igarotzen duen denboran bera kezkarazten duen edozer gauza ahaztea lortzen saiatzen naiz. Hemendik irtetean beraiei emozionalki ere lagundu izana eskertzea oso gauza atsegina da.
Horrelako tratamenduei buruz hitz egitean, askotan emakumeengan jartzen dugu arreta, baina gero eta gehiago dira tratamendu horiek egitera animatzen diren gizonak, ezta?
Irene: Bai, gainera, gero eta aukera gehiago dituzte. Adibidez, orain mutil batzuk ezpainak arrosa kolorez margotzera animatzen ari dira, edo beren mukosa-tonuari eusten diote, berriz definitzeko edo asimetriak zuzentzeko. Betileen artean lerroa egitea ere gustatzen zaie, bolumen handia ematen baitio begiradari ile gutxi duen jendearen kasuan. Jakina, mikropigmentazio kapilarrak arrakasta handia du edozein mailatako alopezia duen jendearentzat, hau da, buru guztia estaltzea, edo bakarrik soilguneetan edo burugainean egitea. Bestetik, gizonak ere ari dira animatzen Jessicarekin aurpegiko tratamenduak egitera.
Prestakuntza-eremuaren barruan, zer ikastaro mota eskaintzen dituzue?
Irene: Bai Jessicak eta bai nik gure espezialitateko ikastaroak ematen ditugu. Horretarako, nik taldeak antolatzen ditut, baina ez oso handiak, 5 edo 6 pertsonakoak, asko jota, haietako bakoitza behar bezala artatu ahal izateko, eta alderdi teorikoak zein praktikoak lantzen ditugu. Nire dermografoak uzten dizkiet hemen dauden bitartean teknika desberdinak ezagutu eta probatu ditzaten. Garrantzitsua iruditzen zait bakoitzak bere eskuaren mugimendua deskubritzea eta barneratzea. Prestakuntza banaka jasotzeko aukera ere badago, eta horietan erabat egokitzen naiz ikaslearen mailara eta bere baliabideetara.
“Gehien betetzen nauen gauzetako bat zera da, bezeroak hemendik irteten direnean eskerrak ematea”
Jessica Lavín, estetizista eta makillatzailea
Jessica: Ni estetizista eta makillatzailea naiz eta aurpegiko tratamenduetan espezializatuta nago. Makillaje-ikastaroak antolatzen ditut eta, Irenek bezala, taldeko zein banakako formazioak antolatzen ditut. Talde prestakuntzak gehienez 6 lagunekoak dira. Banakako prestakuntzak oso egokiak dira zalantza oso zehatzak dituzten horientzat. Era berean, tarteka doako tailerrak ere antolatzen ditugu, jendeak erabiltzen ditugun produktuak ezagutu ditzan. Egiten dugun guztia jendeari behar duenean aholkatu eta laguntza emateko helburuarekin egiten dugu.
Nola ezagutzen zaituzte jendeak?
Irene: Jendeak normalean Instagram bidez idazten digu, hasieran uste nuena baino gehiago. Ahoz ahokoak ere asko laguntzen digu jendeak bere esperientzia partekatzen duenean. Bestalde, Googleko aipamenak ere oso garrantzitsuak dira, jendeak asko begiratzen duen zerbait dela konturatu baikara. Oinaurre auzoko Jostun kaleko 9. zenbakian gaude. Interesa dutenek hitzordua eska dezakete eta pozik erantzungo diegu. Gainera, lehenengo balorazioak doakoak dira eta 682 348 578 zenbakira dei diezagukete.
