Bidasoko Txapelaundiek Joaquín Silguero Irazabal “Bidasoaren herrialdeko Capelomagnico Txit Argi” izendatu dute. Horretarako, elkarteko kideak Irungo Kasinoko lokalean bildu ziren, bere Zuzendaritza Batzordeak adeitasunez lagatakoa. Sari honen bitartez, Bidasoko Txapelaundiek Joaquín Silguero Irazabalek Bidasoa eksualdean kultura arloan egin duen lan guztia aitortu eta eskertu nahi izan dute.
Sari honekin, bidasotar kontuak hobetzen lan egiten duten pertsonak edo erakundeak saritzen dituzten seigarren aldia da. Ekitaldia 12:00etan egin zen Tellatueta Aretoan, eta bertan izan ziren, Txapelaundiez gain, Irungo elkarteetako hainbat ordezkari, Silguero familiaren senitartekoak, Cristina Laborda alkatea, Jon Ugarte zinegotzi ordezkaria eta Gorka Alvarez, gainera, elkarteko lagun eta bazkide ona dena, Txapelaundien jardueren dinamizatzaile ohikoa dena.
Txapelaundien historiaren aurkezpen grafiko eta dokumental txiki bat ikusi ostean, Joaquín Silguero “Bidasoaren herrialdeko Capelomagnico Txit Argi” izendatzeko motibo eta merezimenduen azalpena egin zen. Jarraian, Joaquín Silguero maisuak esker oneko hitz hunkigarriak izan zituen, eta amaitzeko Txapela eta Diploma jaso zituen. Diploma Lupek eman zion, aurreko urtean errekonozimendu bera jaso zuen Hondarribiko Klink elkartea ordezkatuz. Amaitzeko, Txapelaundien ereserkia aurkFeztu zen, Joaquín adiskideak konposatu duena. Ekitaldia Josemi Odriozola sukaldari maisuak prestatutako lunch ugariarekin luzatu zen.
Kasinoko ospakizun-mahaian eseri aurretik, etorkizunean ekitaldia gogoratzeko argazki-saio bat egin zuten, Pio Baroja ohorezko lehendakariaren estatuaren aurrean, Zabaltza plazan. Julio Ibañez adiskideak bere tronpetarekin Txapelaundien ereserkia eta hainbat pieza alai interpretatu zituen. Beraz, giro ona eta konpainia ona nagusi izan ziren, bazkideez eta gonbidatuez gain, emakume ugari ere bertaratu ziren, baita Salamancatik etorritakoak ere.
