Irungo Emakumeen Etxean bingo feminista egingo da irailaren 12an, ostiral honetan. Garazi La Fantasyk gidatutako ekintza arratsaldeko 18:30ean hasiko da eta sarrera doakoa izango da, aretoa bete arte. Irungo Udalak eta Irungo Emakumeen Etxea Elkarteak elkarrekin kudeatzeko hitzarmenaren esparruan, ‘Elkarrizketa Feministak’ programaren barruan egingo da jarduera.
Jarduera Garazi La Fantasy drag queen artistak eta Teledonostiko aurkezleak dinamizatuko du. Helburua da espazio ludiko eta parte-hartzailea izatea, eta bertan ikusaraztea eguneroko matxismoarekin lotutako kontzeptuak, adierazpenak eta egoerak. Horrela, bingoa bezalako jarduera tradizional bat sentsibilizazio-tresna bihurtuko da, gizarteak normaltzat dituen genero-desberdintasunak izendatuko dira eta feminismoan heztearen garrantzia nabarmenduko da. Hori guztia gertuko giro inklusibo batean, eta umorez lagunduta.
‘Elkarrizketa Feministak’ programa
Jarduera hau ‘Elkarrizketa Feministak’ programaren barruan dago. Programa horrek hainbat proposamen biltzen ditu, urtarriletik hasita, hilabete bakoitzeko bigarren ostiraletan. Helburua da elkarrizketa bat zabaltzea emakumeek bizi dituzten errealitateen inguruan, hainbat jarduera premisatzat hartuta.
