Bidasoa Atletiko Taldeko kirolariek Durangon jokatutako Euskadiko txapelketa absolutuan parte hartu dute. Kirolariek sei urrezko domina, zilarrezko zazpi eta brontzezko hiru lortu dituzte txapelketan.
Urrezko dominen artean, Joaquin Alonsok lortutakoa da aipagarriena. 50,94 segundoko markak ez du soilik urre absolutua esan nahi, baizik eta 20 urtez azpiko Euskadiko errekor berria, 23 urtez azpikoa eta absolutua, munduko minimoa 20 urtez azpikoan eta klubaren errekorra.
Beste emaitza esanguratsuetako bat, Iker Arotzenak bere espezialitatean lortutako urrezko domina izan zen: luzera. Jauzi luze batzuekin, bere saltorik onena 7,77 metrotakoa izan zen eta Estatuko txapelketari begira jarri da dagoeneko.
Ander Aramendik urrezko domina eskuratu zuen 1500m-etan, klubak Aritz Leonet bigarren zela bi aldiz irabazi zuen proban. Kasu honetan, Anderrek 3: 57,79 minutuko markarekin irabazi zuen eta bere marka pertsonalik onena hautsi zuen.
Beste bikoizketa handi bat etorri zen 800 metroko proban, Angladatarren eskutik. Urrezko domina Ander Angladarentzat 1: 53,06 minuturekin eta zilarra Iker anaiarentzat 1 ’53 “64, esprint itxi batean.
Mikel Aramendi, 9: 25,75 minuturekin, Euskadiko txapeldun izan da 3000m oztopoetan, bere markarik onena egin ondoren. Aramendi anaiak oso fin dabiltza denboraldia amaitzen.
Irune Muguruzak irabazi du emakumezkoen urrea 400m hesidunetan, 58,52 segundoko markarekin.
Zazpi azpitxapeldun eta errelebo bat Estatukoan
Zilarrezko dominetan, Alaine Aguerraldek, Mariela Berazak, Leire Martiarenak eta Nerea Sorondok osatutako 4x100m erreleboak 48,41 segundoko markarekin itxi zuen bere ibilbidea. 18 urtez azpiko Espainiako txapelketarako txartela ia seguru ematen dien marka.
Lehen aipatu bezala, Aritz Leonetek eta Iker Angladak lortu zuten binakoa 1500 eta 800 metroetan, hurrenez hurren. Aritzek 3: 58,17 minutu eta Ikerrek 1: 53,64 minutu.
Emakumezkoetan, Goizane Garciak bere urte ona itxita jarraitzen du, pisu eta mailuko zilarrezko domina bikoitzarekin. Pisuan, pilota 12,10 metrora jaurti ondoren eta mailuan 47,49 metroko jaurtiketa onenarekin.
Unax Erasok zilarra lortu zuen mailu jaurtiketan 45,49 metroko jaurtiketa onenarekin eta Mario Estangak 4,60 metrorekin pertikan.
Hiru brontze 18 urtez azpikoan
Izaskun Sanzek 1500m-etan Estatuko 18 urtez azpikoen minimoa lortu zuen 4: 45,23 minutuko erregistroarekin eta, aldi berean, marka pertsonal onena lortu zuen lasterketa handi batean
Alazne Garridok bere marka pertsonalik onena hobetu du 400 metroko hesidunetan 1: 00,89 minuturekin eta Espainiako txapelketa absolutuetara hurbildu da
Jon Ruiz berriro lehiatu zen bere proban, mailuan, eta hirugarren bukatu zuen 38,26 metroko jaurtiketa onenarekin.
