Kera elkarteak Emakumeentzako Poesia Lehiaketa amateur elebidun bat antolatu nahi dute. Horrela, elkartetik Gipuzkoako emakume guztien sormena sustatu nahi dute, historikoki ukatu zaien espazio bat eskaintzeaz gainera. Lehiaketa honek emakume ijito eta ez ijitoei ahotsa ematea du helburu. Lehiaketa Irungo Emakumeen Etxean egingo da abenduaren 27an, asteazkenean, 17:00etatik 19:00etara. Ondoren, lehiaketan errezitatutako poesiak argitaratzea da errezitatutako lanen argitalpena egin.
Kera elkartearen lana
Proiektuak bi fase ditu: alde batetik, emakume parte-hartzaileek beren olerkiak aurkeztuko dituzten poesia lehiaketa dugu. Bestalde, poema horiek argitaratuko dira. Kera Elkarteko emakume ijitoak gero eta aktiboagoak dira ijito herriaren berreskurapen kulturalean. Lehiaketa honekin, Euskadin daramatzaten 600 urteetan euskal gizarteari egin dizkioten ekarpenak handitu nahi dituzte.
Lanean hasi zirenetik jakin bazekiten Ijito Herria ikusarazteko tresnak behar zirela, eta, horrela, jasaten duten isilunea gainditu eta aldi berean elkar-ezagutzan eta errespetua sustatzea. Izan ere, horiek ezinbestekoak dira kulturen arteko bizikidetza ona izateko.
Keratik material berritzailea, berria eta freskoa aurkezteko lan egiten dute. Kulturaren inguruan, eta zehatzago, literaturaren eta poesiaren inguruan, emakume ijitoen eta pailoen ahaleginak, ametsak eta ilusioak biltzen dituen formatua aukeratu oraingoan. Formatu eroso, maneiagarri eta inklusibo baten bidez iritsi nahi da Gipuzkoako Lurralde Historikoko haur eta heldu ijito eta ez ijitoengana.
Poesia tresna inklusibo gisa eta aniztasunaren elementu kulturalen ikusezintasuna gainditzeko erabiltzen dute. Ijitoen kultur ikuspegia zabaltzea, munduko gizarte guztietan hain bereizgarria den bitarteko baten bidez: narrazio idatzia.
