Maiatzaren 6an, larunbatean, Juan Vollmer plazan Bizi Bizi Fest bizikleta jaia ospatuko da. Badoa bizikleta bidezko banaketa kooperatibak, Balazta elkarteak eta Recycl´Arte elkarteek elkarlanean antolatutako egitasmoa da, Arbesko bizilagun elkartearen laguntzarekin. Ekintzak goizeko 9:00etan hasiko dira eta 14:00etan amaituko dira. Jaialdiaren bitartez antolatzaileek bizikletaren erabilera sustatu eta ingurunea hobetzeko jaialdia antolatu nahi izan dute.
Larunbateko goiz osoan zehar bizikleta konponketa tailerrak egingo dira. Goizeko 9:30ean ongi etorri egiteko kafea eskainiko da. 10:00etatik 12:00etara bidegorrietatik bizikleta ibilaldia egingo dira. Bien bitartean, haurrentzako jokoak antolatuko dira gymkana batean abilezia trebatzeko. Gainera, haurrentzako zozketak egingo dira. Eguerdiko 12:00etan Oier Mitxelenak Trialsin erakustaldia eskainiko du. 13:00etan, berriz, zizka-mizka eta musika izango dira.
