Las Sin Filtro txirigotak Cadiwoman ikuskizuna eskainiko du Amaia KZn ostiralean

Irungo Udaleko Kultura Arloak gogorarazi duenez, aste honetan, Las Sin Filtro txirigotak Cadiwoman ikuskizuna ekarriko du Amaia KZra. Emanaldia ostiralean izango da, hilak 24, 20:30ean.

Sarrerak, 10-15 euroan, salgai daude dagoeneko, Amaia KZren webgunean. Era berean, aurrez aurre eros daitezke, Luis Marianoko turismo bulegoan eta, hitzordua baino ordubete lehenagotik, tokirik badago betiere, Amaia KZko bertako txarteldegian.

Las Sin Filtro

Las Sin Filtro Cádizeko inauterietako kaleko talde bat da, urtero ideia berri bat proposatzen duena, eta, aurten, taldekideak AEBetako dinner bateko zerbitzariak dira, dena argi eta garbi esaten dutenak.

Autorea Susana Ginesta da (Cádiz, 1979), eta, 2009tik, mezu feminista sakoneko hitzak idazten ditu, umorearen garrantzi sozial, humano eta bitala aldarrikatzen dutenak patriarkatuari aurre egiteko.

Emanaldi honetan, bederatzi taldekideek, umore handiz eta lotsa gutxiz, errepertorio dibertigarri bat kantatuko dute, bide batez feminismoak gure gizartean duen garrantziaz hausnartzera gonbidatzen duena.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude