Bigarren urtez Goitiben Irun Hiriko II. Sari Nagusia antolatu du Betti Gotti Euskara Kultur Elkarteak Koadrilen Egunaren barnean. Lehengo urteko arrakasta ikusirik, 43 partaide izan baitzituzten, aurten txapelketa errepikatzea erabaki dute. Horrela, Goitibera lehiaketa antolatu dute 18 urtetik gorako edonorentzat. Betti Gottitik Irungo koadrilei dei egiten diete parte-hartzera. Goitibera lehiaketan parte hartzeko izen ematea Betti Gotti elkartearen webgunearen bitartez egin beharko da.
Irun Hiriko II.Sari Nagusia, ekainaren 24ean ospatuko da. Goizeko 9.30etan hasiko da partaideen aurkezpena eginez. Gosaritxo bat egin eta lehiaketak 10:00etan izango du hasiera.
Aurten, Betti Gotti elkarteak jarriko ditu goitiberak, baina datozen urteei begira, asmoa da jendeak propio diseina ditzala beraien goitiberak. Dena den, aurten norbaitek bere goitiberarekin lehiaketan parte hartzeko interesa balu Betti Gotti elkartearekin harremanetan jarri beharko da, horretarako aukera eskainiko baita ere. Beti bezala parte-hartzaileei pintxo bana emango zaie beren trago eta guzti Triki-poteo momentuan eguerdi aldera.
