Real Unióneko abonatuek bi sarrera gehigarri lortu ahal izango dituzte, bakoitza euro bateko prezioan, lehen taldeak datorren larunbatean UE Cornellà taldearen aurka jokatuko duen partidarako. Lehen Federazioko 1. multzoko 31. jardunaldiari dagokion partida izango da.
Sarrerak compralaentrada.com webgunearen bidez kudeatuko dira, esteka honetan klik eginez eta “Soy amigo de abonado” atalean sartuz.
Lantalde teknikoan aldaketak
Bestetik, klubak atzo jakinarazi zuenez Iñigo Idiakezek ez du Real Unióneko lehen taldeko entrenatzaile izaten jarraituko. Klubak erabakiaren berri eman zion entrenatzaile donostiarrari. Raúl Pérezek, bigarren entrenatzaileak, eta Joan Casanovak, prestatzaile fisikoak, ere ez dute lantalde teknikoan jarraituko. Real Uniónek bere profesionaltasuna eskertu eta etorkizunean zorte ona opa die.
