Studio 21 dantza akademiak Kizomba, Saltsa eta Bachata bezalako dantza estiloetan formazioa eskaintzen du. Ikastaroak irailaren 19an, igandean, hasiko dira. Studio 21ek dantza eta ordutegi eskaintza zabala prestatu du 2021-2022 ikasturterako, adin desberdinetako pertsonei zuzenduta. Ikastaroetan izena emateko 653570507 telefono zenbakira deitu beharko da.
Zer eskaintzen duzue Studio 21en?
Studio 21en, Kizomba, Saltsa eta Bachata bezalako dantza sozialetan formazioa eskaintzen dugu, publiko helduarentzat. Bikoteko dantzak izan arren, ez da beharrezkoa bikotean izena ematea, beraz, edonork eman dezake izena banaka, betiere dagokion taldean eskatzen den maila errespetatuz. Gainera, haurrentzako dantzak eskaintzen ditugu (Funny Dance eta Zumba Kids) 5 eta 11 urte bitarteko haurrentzat.
Azkenik, Saltsaren zein Kizombaren “Nesken Estiloa”, publiko gazte eta helduari zuzenduta. Haurren dantzak eta nesken estiloko eskolak modu askean dantzatzen dira, gure psikomotrizitatea, musika-entzumena, dantza-estiloa eta autoestimua hobetzen laguntzen diguten koreografiak eginez eta lotsa kenduz, gorputzaren bitartez adierazten ikasteko. Ikastaro horietarako ez da dantza-mailarik eskatzen, bakoitzak bere kasa lan egiten baitu.
Zein izan da orain arte zuen ibilbidea?
Gure irakasle guztiek 10 urte baino gehiagoko esperientzia dute. Gu, Kike eta Pepa, eskolako zuzendari eta irakasleak, KIZOMBAn espezializatuta gaude, Angolan jaio eta 80ko hamarkadatik Europan dantzatzen den bikoteko dantza sozialean. Dantza sentsuala eta teknikoa da aldi berean, ez du ahalegin fisiko handirik eskatzen, eta asebetetze handia eskaintzen du konfiantzari, autoestimuari eta soziabilitateari dagokionez.
Kizombako irakasle gisa 10 urte baino gehiago daramatzagu eta ospe handia dugu bai estatuan bai nazioartean. Nazioarteko kongresuetan tailerrak eman ditugu Frantzian, Portugalen, Espainian, Ukrainian, Italian… Horretaz gain, modu iraunkorrean ikastaroak eta tailerrak ematen ditugu Studio 21 gure eskolan, baita Donostiako, Bilboko, Gasteizko eta Biarritzeko beste eskola batzuetan ere.
Nolakoak dira Studio 21en instalazioak?
Gure instalazioak Labeltze kaleko 21. zenbakian daude, Katea auzoan, Café Irunetik oso gertu. Kafetegi gure lokaletik gertu dagoenez, egokia da igandetan eskolen ondoren bertara dantzatzera joateko. Gainera, aparkatzeko oso gune ona dugu, eta ondo komunikatuta dago Euskotren eta aldirietako trenarekin.
Zer egin behar da ikastaroetan izena emateko?
Eskoletan izena emateko 653570507 telefono-zenbakira deitzea beharrezkoa da. Gainera, irailean izena ematen baduzu, matrikula doakoa da.
Hileko ikastaroen prezioak honakoak dira: 30 euro ordubetekoak, 35 asteburukoak eta 40 ordu eta erdikoak dira. Ikasle berrientzako matrikulak 15 eurokoa izango da, baina irailean zehar izena ematen dutenentzako doakoa izango da. Arratsaldeko taldeetan bigarren jardueratik aurrera, ikastaro guztiek 5 euroko deskontua izango dute. Gainera, proba-eskolek 10 euroko prezioa izango dute, eta, azkenean akademian izena emanez gero, ordaindutako probaren zenbatekoa hileko kuotatik deskontatuko da.
