Be Veggie jaialdiak 2024ko edizioan 6.500 lagun baino gehiago bildu ditu. Haize bortitzak eta euria komunitate beganoaren fideltasuna probatu dituzte, eta ez dute Be Veggiera joateko zalantzarik izan, estatuko jaialdi begano nagusietako bat babesteko. Haiek presentzia eta standetan egindako erosketekin egin dute. Egindako inkestetan %80 baino gehiagok baieztatu dute produktuak erosi dituztela.
Gipuzkoako bisitariek presentzia nabarmena izan dute (77,74%), baita Iparraldeko (7,83%), Bizkaiko (5,09%) eta Nafarroako (4,39%) bisitariek. Gipuzkoan, publiko gehien izan den eskualdea Bidasoaldea izan da, bertako partaideek 43,34% osatu dutelarik, Donostialdea 29,20%rekin eta Oarsoaldea 13,36%rekin jarraitu dute. Beste eskualde batzuk ere partaidetza handia izan dute, hala nola Urola Kosta (4,18%) eta Tolosaldea (3,77%).
Jaialdiaren hiru egunean egindako inkestek ere emaitza oso positiboak izan dituzte. Inkestatuek %85 inguruk adierazi dute oso gustura eta pozik geratu direla Ficoban abenduaren 6tik 8ra bitartean egindako produktuen, zerbitzuen eta jarduera paraleloen eskaintzarekin.
Be Veggie jaialdiko edizioetan nabarmen azpimarratzen den alderdi bat da jarduera paraleloen harrera bikaina, 1.000 pertsona baino gehiago parte hartu dute eta %90 baino gehiagoko balorazio positiboa ematen diete. Publikoak hitzaldiak, showcookingak, tailerrak eta, noski, igandean ospatutako yoga klasea bete ditu.
Txakurrak ere protagonismoa izan dute Be Veggien. 120tik gora txakurrek bisitatu dute jaialdia, eta hori guztia adierazten du familien kide guztientzat proposamen inklusibo hauen harrera ona.
Ficoba urte amaierara begira
Be Veggie jaialdiaren emaitza bikainekin, Ficobak 2024ko azoka eta kongresuen kanpaina amaitzen du. Orain urte amaiera bitartean antolatutako hainbat ekitaldi jasotzeko prest dago, hala nola, “Jornada sin conductores no hay transporte”, “Pauso-K Dance” musikalaren emanaldia, Kirolgala 2024 eta Real Sociedad-eko harrobia omenduko duten ekitaldiak, besteak beste.
