Ekainaren 19tik 21era bitartean, Chenoa eta Zea Mays taldeen kontzertuek, Koadrila Egunak eta Haurren Danborradak hiriko kaleak zeharkatuko dituzte, besteak beste
San Pedro eta San Martzial jaietako hirugarren asteburua ekainaren 19an abiatuko da, haur eta helduentzako ekintza ugarirekin. Arratsaldeko 17:30ean hasiko da mugimendua CBA kulturguneko IrekiART espazioan, lau urtetik gorakoentzako “Ikasi erraldoiak dantzatzen” ikastaroarekin, Ondare Kultur Elkartearen eskutik. 18:30ean eremu berean erraldoien eskulangintza tailerra egingo da adin guztietako parte-hartzaileentzat. Bi ekintza hauetan parte hartzeko aldez aurretik izena eman behar da www.irun.org webgunean. Bien bitartean, arratsaldeko seietan, adinekoentzako udal gune sozial guztien San Joan Jaia ospatuko da Eguzkitza HLHIko instalazioetan DJ Nemuxen doinuekin. Gaua girotzeko, 21:00etan Kolpez Blai batukada ibiliko da Zabaltza plazatik Foruen Karrikaraino, eta 20:30ean Chenoa abeslari ezagunaren kontzertu nagusia hasiko da San Juan Harria plazan.
Larunbatean, ekainaren 20an
Ekainaren 20ko larunbata egun indartsua izango da jaien egitarauan. Goizeko 10:30ean Irun Drone Racing txapelketa jokatuko da Eguzkitzan Euskodron elkartearen eskutik, eta ordu berean lorategiko tren zirkuitu eramangarria irekiko da Antzaran plazan, eguerdira arte eta arratsaldez berriro ere martxan egongo dena. Eguerdiko 12:00ak aldera Peña Poteo txaranga Urdanibia plazan eta inguruetan ibiliko da giroa berotzen, eta 13:00etan Betti Gotti elkarteak antolatutako kuadrillen irteera eta kalejira abiatuko da leku beretik. Ondoren, arratsaldeko 14:30ean herri bazkari jendetsua egingo dute Ficoban hogei euroko salneurrian, Burrunba Elektrotxarangak eta DJ Balberrek girotuta. Arratsaldean zehar arrantza jaurtiketa txapelketa egingo da Thalamas Labandibar kalean, 16:00ean hasita.
Larunbat arratsaldeko azken orduetan haurrak izango dira protagonista nagusiak Irungo kaleetan. Arratsaldeko 18:30ean Bidasoko Erraldoi eta Buruhandien kalejira aterako da Junkal plazatxotik San Juan Harria plazaraino, haurren danborradari harrera egiteko asmoz. Jarraian, 19:00etan, San Juan Harri Haurren Danborrada abiatuko da Alberto Anguera plazatik, Lepanto, Oiartzun, Hondarribia, Colón, Txanaleta eta Foruen Karrika zeharkatuz San Juan Harria plazaraino Jostallu Txarangaren laguntzarekin. Gaualdean, 20:30ean kuadrillen itzulera kalejira egingo da DJ Balberrekin Ficobatik Urdanibiara, eta bertan Zea Mays taldearen kontzertua hasiko da 22:30ean, gauerdiko 00:30ean Kaparrak taldearen emanaldiak borobilduko duena.
Igandean, ekainaren 21ean
Asteburua amaitzeko, ekainaren 21eko igandeak kirol eta sukaldaritza eskaintza zabala ekarriko du Irunera. Goizeko 8:30ean mendi ibilaldia abiatuko da San Juan Harri plazatik Irungo Mendizaleak taldearekin, eta 9:00etan Oiasso Hiria Futbol Torneoa hasiko da Artiako zelaian egun osoz. Ordu berean, pil-pil erako Bakailao Txapelketa tradizionala jokatuko da Urdanibia plazan Jostallu elkartearen eskutik. Goizeko 10:00etan haurrentzako marrazki eta pintura sariketa egingo da CBAn, eta bertan banatuko dituzte sariak arratsaldeko 17:00etan. Kirolekin jarraituz, 11:00etan Kurpil Kirolak txapelketako finalak jokatuko dira Uranzu frontoian, eta eguerdiko 12:30ean Irungo Atsegiña fanfarreak alaituko ditu Urdanibia plaza eta inguruko bazterrak.
