Dunboako auzo elkarteak haurrentzako Halloween festa antolatu du urriaren 31rako, datorren astearterako. Arratsaldean zehar haurrentzako hainbat ekintza egingo Halloween ospakizunarekin loturik. Auzo elkartetik jakinarazi dutenez jardueran parte hartzeko plaza-kopurua mugatua da.
Ekintzak arratsaldeko 18:00etan hasiko dira, Halloween mozorro festarekin. Parte-hartzaileek beren mozorroekin pasarelatik desfilatuko dute eta 5 txartel zozketatuko dira parte-hartzaileen artean opariak erosteko. 18:15ean “Pirata Garrapataren Abenturak” obra antzeztuko du Patata Tropikala antzerki taldeak. Azkenik, 19:00etan parte-hartzaileen artean merienda banatuko da.
