Irungo Santiagoko Deabruak Kultur Elkarteak urteurren borobila eta berezia ospatuko du aurten. Izan ere, elkarteak Sanmartzialetan antolatu ohi dituen ekintzek 20 urte beteko dituzte. Hori dela eta, herritarrei parte hartzeko deialdia luzatu diete izen-emateak zabalduz.
Haur danborrada
Alde batetik, San Juan Arri haur danborrada ekainaren 20an, larunbata, egingo da arratsaldeko 19:00etan. Bertan parte hartu ahal izango dute 2018an edo aurreko urteetan jaiotako haurrek. Izena emateko karteleko QR kodea, posta elektronikoa edota WhatsApp bidea erabili daiteke. Entseguei dagokienez, ekainaren 8, 9, 10, 17, 18 eta 19an egingo dira San Vicente de Paúl ikastetxean (18:00etatik 19:00etara), eta antolakuntzak gogorarazi du gutxienez hiru entsegutara joatea derrigorrezkoa dela parte hartu ahal izateko.
Binakako Puzzle Lehiaketa
Bestetik, XX. Binakako Puzzle Lehiaketa ekainaren 7an, igandea, jokatuko da Uranzu Txiki pilotalekuan, ezusteko eta sorpresa ugarirekin. Txapelketa hiru kategoriatan banatuko da:
- Haur bikoteak (A kategoria): 8-11 urte bitartekoak, 11:30ean.
- Haur bikoteak (B kategoria): 12-16 urte bitartekoak, 11:30ean.
- Helduen bikoteak (C kategoria): 17 urte baino gehiagokoak, arratsaldeko 16:30ean.
Puzzle txapelketarako izen-ematearen prezioa 5 eurokoa da haurren bikoteentzat eta 10 eurokoa helduarentzat. Ordainketa lehiaketaren egun berean egingo da frontoian, saioa hasi baino ordu erdi lehenago, baina antolatzaileek aldez aurretik izena ematea gomendatzen dute karteleko QR kodearen bidez, mahaiak eta logistika egokiro prestatu ahal izateko.
