Duela egun batzuk Munduko Master txapelketa egin zen Gothenburgen (Suedia). Bertan gure atleta Abel Castañares lehiatu zen eta azpitxapeldun garrantzitsu bat lortu zuen.
Abuztuaren 13an Abel 2000 metroko oztopoetan lehiatu zen eta zilarrezko domina lortu zuen. Abel 7: 49,85 minututan iritsi zen helmugara (denboraldiko markarik onena) Cesar Perez espainiarraren atzetik eta Keith Davies iparramerikarraren aurretik.
20 urtez azpiko Munduko Txapelketa
Abuztuaren 26tik 31ra, 20 urtez azpiko munduko txapelketa egingo da Liman (Peru), non Bidasoa Altetiko Taldeko atleta gazteetako bi euren probetan lehiatuko diren. Hain zuzen ere, denboraldia oraindik ez da amaitu BATeko bi atletarentzat: Joaquin Alonso eta Arwen Martinez. Biek lanean jarraitu behar izan dute udan, Peruko 20 urtez azpiko munduko txapelketara sailkatu ondoren. Parte-hartze bikoitza ere historikoa izan da klubarentzat, biak etxetik babestu eta jarraituko dituena.
Joaquin Alonsok 400 metroko hesietan korrituko du. 50,94 segundoko markarekin (20 urtez azpiko hirugarren marka onena), 14. dago sailkatutakoen taulan. Kanporaketak abuztuaren 28an izango dira, 10:10etik aurrera Perun, 17:10ean Espainian.
Arwen Martinez 100 metrokoetarako sailkatu da eta 4×100 metroko erreleboan ere arituko da. Denboraldiko markarik onena (11,51 segundo) 27. postuan dago sailkatutakoen taulan, eta nesken errelebo laburra oso lehiatua egongo dela aurreikusten da. Arwen abuztuaren 27an lehiatuko da, 10:10ean Perun eta 17:10ean Espainian. 4x100m erreleboa abuztuaren 30ean hasiko da, 12:35ean Perun eta 19:35ean Espainian.
Klubak jakinarazi duenez, txapelketa honekin loturiko informazio guztia eguneratuko dute BATen webgunean eta sare sozialetan.
