Asteburu honetan Udaberriko Haur Jaialdia ospatuko da Dunboa auzoan. Ekintzak larunbatean, maiatzaren 20ean, eta igandean, maiatzaren 21ean egingo dira.
Larunbateko ekintzak goizeko 11:30ean hasiko dira pintura lehiaketarekin. Pintura lehiaketaren oinarriak auzo elkartearen atean kontsultatu daitezke. Eguerdiko 13:00etan pintura lehiaketako sariak banatuko dira. Arratsaldean berriz, 16:30etik aurrera Khaos taldeak herri-jolasak antolatuko ditu plazan eta gaztelu puzgarriak jarriko dira. Geroago, 18:45ean Merienda banatuko da. Azkenik, 19:00etan apar-festari hasiera emango zaio.
Igandean, maiatzaren 21ean, 12:00etan Tilin Tilin magoak ikuskizuna eskainiko du.
