Hego-ingurabidea egiteko proiektuan aurreikusita dagoen bezala, asteburu honetan, Belitz kaleko goiko pasabidea eraitsiko da AP-8 autobidearen gainean, eta, horren ordez, berri bat jarriko da. Dagoeneko altxatua dago, baina oraindik itxita.
Jarduketa horrek trafiko-mozketak eta desbideratzeak eragingo ditu, ostiral gauetik aurrera autobidean (eraiste-lanak igandean, 21:00etan amaituko dira), eta errepideari berari eragingo dio, bai eta Oñaurreko eta Belitz kaleko sarbideei ere, honako xehetasun hauekin:
MOZKETAK AP-8an:
- BY-PASS zirkulazioaren bi noranzkoen artean, martxoaren 6an, larunbatean, 00:00etatik 21:00etara (errei bat gaituko da noranzko bakoitzeko).
- ERABATEKO MOZKETA zirkulazioaren bi noranzkoetan, martxoaren 6ko larunbateko 21:00etatik igandeko (7) 21:00etara.
- DONOSTIARAKO NORANZKOA ITXITA egongo da igandeko (7) 21:00etatik asteleheneko (martxoak 8) 6:00etara; une horretan irekiko da berriz ohiko trafikoa.
Erabat mozten denean, GI-636 errepidetik desbideratuko dute zirkulazioa, AP-8a itxi behar izan zuten aurreko aldian bezala.
BELITZ KALEA
- Lanak hasten direnetik (larunbata, martxoak 6, 6:00etatik 8:00etara), goiko pasabidea moztuta egongo da martxoaren 26ra arte (ostirala); egun horretan, trafikorako egokituta egongo da pasabide berria. Arretxe Ugalde poligonotik desbideratuko da trafikoa.
AP-8rako SARBIDEA ITXITA OÑAURREN
- Larunbatean (martxoak 6), 00:00tik 21:00ak arte.
