Bidasoa Irun EHF European Leagueko final laurdenetarako sailkatu da historian lehen aldiz. Atzo iluntzean Limoges-en aurka Artalekun jokatutako partiduan 35-30 irabazi zuten, zuzenean final laurdenak jokatzeko pasea lortuz. Europako Ligako final-laurdenetara sartzeko faseko hirugarren partida izan zen, Artaleku bete zuten 1.824 zaleren aurrean.
Bisitarien nagusitasunarekin hasi zen partida, eta azkar jarri ziren aurretik markagailuan, defentsa bikainari esker eta Bidasoa Irunen erasoetan izandako arazoei esker (1-3, min. 2:55). Irundarrei kosta egin zitzaien beraien defentsa pista gainean jartzea, baina pixkanaka intentsitate gehiago jartzen joan ziren, Artalekuren bultzadari esker. Lehen 10 minutuak oso parekatuak izan ziren, eta berdinketarekin iritsi ziren (6-6, min.10). Limogesek bidasotarren une ona menderatzen jakin zuen eta 0-3ko partzialarekin partidaren erdialdera iritsi zen. Ondorioz, Álex Mozasek hutsartea eskatu zuen egoera bideratzeko (6-9, min. 14:30).
Hutsartearen ondoren, Bidasoak erreakzionatu egin zuen pistan eta erasoan jokaldi onak egin ondoren, etsaiera gerturatu ziren Taoren golari esker (10-11, min 20:20). Lehen zatiko azken minutuetan, bidasoarrek, erasoko jokaldi bikainekin, aurretik jartzea lortu zuten, Pachekok sartutako bi golei esker (13-12, min. 26), baina bisitariek ez zuten atzera egin eta atsedenaldira berdinduta iritsi zen partida (15-15, min 30).
Partida irauli zuen bigarren zatia
Bigarren zaitan Bidasoa Irunek maila igo zuen pistako bi aldeetan eta berehala hasi zen nagusitasunarekin markagailuan. Lehen 15 minutuak aurkariaren ate aldera etengabeko erasoak izan ziren eta bidasotarrek abantaila handitu zuten (19-17, min. 34:45). Limogesen entrenatzaileak partida gelditu zuen bere taldeak erreakzionatzeko, baina Bidasoak bere bigarren zati bikainarekin jarraitu zuen eta ez zion Limogesi markagailuan hurbiltzen utzi (24-21, min. 42:10). Irundarrek defentsak eta Leo Macielen geldiketekin, frantziarren erasoaldiak geldiarazten zituzten eta Artalekuk gora egin zuen bere taldea animatuz. Azken zati horretan, Bidasoak eskubaloi bikaina egiten ari zen, eta horrela ikusten zen Artalekuren markagailuan, amaierarako 5 minutu baino gutxiago geratzen zirenean, Rodrigo Salinasen golari esker (32-26, min. 55:20). Bidasotarrek amaieraraino bultzatu zituzten bere jokalariak eta bere taldeak nagusitasunez erantzuten zuen pistan. Azkenean, Bidasoa Irunek 35-30 irabazi du eta irundarrak EHF European Leagueko final-laurdenetarako sailkatu dira, historian lehen aldiz.
