Datorren azaroaren 1eko Domu Santu Egunaren ospakizuna dela eta, Irungo Udalak, Udaltzaingoaren bitartez, jakinarazi du zenbait aldaketa gertatuko direla. Aldaketek Blaiako udal hilerriaren inguruari eragingo diote, gaur, urriaren 29an hasita eta azaroaren 2ra bitarte.
Hilerrira doazen ibilgailuentzako trafiko-murrizketa proportzionalak egitea aurreikusi dago, zirkulazioaren arabera sarbidea partzialki edo guztiz galaraziz. Azaroaren 1ean, larunbata, Blaia pasealekua erabat itxita egongo da 08:00etik 19:00era, gutxi gorabehera. Sarbideak GI-636 errepidetik egingo dira, Arenas Carrillo eta Teodoro Murua kaleak gurutzatuz. Aparkalekuei dagokienez, debekatuta egongo dira hilerriko ate nagusiaren aurrean daudenak.
Trafikoa arin joan dadin, arau horiek eta udaltzaingoaren jarraibideak errespetatzeko eskatzen zaie auto-gidariei. Udaltzaingoak herritarren laguntza eskertzen du, eta, aldi berean, beren ibilgailuak egunean zehar erabiltzeko plangintza egokia eskatzen du, nahiz eta hilerrira sartzeko garraio publikoa erabiltzea gomendatu.
Autobus zerbitzu berezia
Gainera, Mugikortasun Jasangarriko arloak jakinarazten du larunbat honetan, azaroak 1, autobus zerbitzu berezi bat egongo dela, Hondarribia kaleko Gurutze Gorritik hilerriarekin bat egingo duena, hiriko kale nagusietatik igarota. Zerbitzu berezi honen prezioa 1,65 eurokoa izango da eta ezin izango da Lurraldebus edo MUGI txartelak erabili.
Joateko ibilbidea honako hau izango da: Gurutze Gorria – Zubiaurre – Kolon 43 – Luis Mariano – San Juan – Nafarroa etorbidea 4 – Nafarroa etorbidea 18 – Artia pasealekua – Blaia 22 – Hilerria.
Itzulerako ibilbidea honako hau izango da: Hilerria – Dunboako anbulatorioa – Nafarroa etorbidea 21 – Fermin Calbeton – Zabaltza plaza – Topoa eta Hondarribia 2.
Irteera-ordutegiak, goizez zein arratsaldez, honako hauek izango dira:
Gurutze Gorritik:
Goizez: 09:00 – 09:30 – 10:00 – 10:20 – 10:40 – 11:00 – 11:20 – 11:40 – 12:00 – 12:20 – 12:40 – 13:00 – 13:20.
Arratsaldez: 16:00 – 16:20 – 16:40 – 17:00 – 17:20 – 17:40 – 18:00 – 18:20.
Hilerritik:
Goizez: 09:45 – 10:20 – 10:40 – 11:00 – 11:20 – 11:40 – 12:00 – 12:20 – 12:40 – 13:00 – 13:20 – 13:40.
Arratsaldez: 16:20 – 16:40 – 17:00 – 17:20 – 17:40 – 18:00 – 18:20 – 18:40.
