2026an udal egutegi osatuko duten argazkiak aukeratzeko gai aukeratu da. «Irun, postalekoa» lelopean, ohiko erakargune turistikoetatik hago doazen argazkiak jaso nahi ditu udalak hurrengo urteko egutegia apaintzeko. Horretarako, Irungo Argazki Elkartearekin elkarlanean, egutegia osatzeko prozesu parte-hartzailea antolatu dute urte moduan.
Aurten, gainera, berritasun gisa, egutegiaz gain, Irungo postalak ere aterako dira hautatutako hamahiru argazkiekin. Postalak hiriaren oroigarri izango dira eta egutegiarekin batera banatuko dira 2025aren amaieran. Guztira, 11.000 ale argitaratuko dira, hala udal-egutegiari nola hiriko postalei dagokienez.
Irun postal bihurtua
Horrela, aurten Udalak herritarrak hiriko enbaxadore bihurtzera animatu nahi ditu, bisitariekin parteka ditzaten Irunen izatasuna islatzen duten txoko horiek, hiriaren inoiz bezalako irudia ematen dutenak: Gazteluzarreko ikuspegi panoramikoa, Pierre Lotiko ur gaineko pasarelaren bista berria, Irungo naturagune bizien erakusgarri den Aitzondoko urjauzia, hiriaren iragan erromatarraren oroigarri diren Oiasso museoko termak edo loraldian daudenean Luis Mariano lorategiak zuriz eta arrosaz margotzen dituzten gereziondoak.
Ekimenean parte hartu nahi dutenek bost argazki bidal ditzakete gehienez ere, 2025eko urriaren 30a baino lehen. Bidalketa udal webgunearen bitartez egingo da. Jasotako irudi guztien artetik, hamahiru argazki hautatuko dira, bat urteko hilabete bakoitzeko eta beste bat egutegiaren azalerako. Irungo Argazki Elkartea arduratuko da lehen hautaketa egiteaz.
Lehiaketaren oinarriak
Argazkiak Udalaren webgunearen bidez bidali beharko dira. Argazkietan Irungo leku jakin bat lokalizatu edo identifikatzeko modukoak izan beharko dute.
Gainera, argazkiek originalak izan beharko dute, inongo lehiaketatan saritu gabeak eta inongo hedabide profesionaletan argitaratu gabeak. Parte-hartzaileen ardura da aurkeztutako lanek hirugarrenen eskubiderik ez izatea, ez eta irudi-eskubideengatik erreklamaziorik ere.
Argazkiek .jpg luzapena izango dute, eta tamaina 30 cm x 20 cm-koa edo antzekoa izango da. Bereizmena 250-300 ppp-koa izango da gutxienez, ediziorako nahikoa kalitate izan dezaten irabazle suertatuz gero, eta formatu horizontalekoak izango dira.
Azkenik, argazkian adingaberen bat agertzen bada, argazkigilea bi gurasoen baimena izango du argazkia egutegian argitaratzeko.
