Laugarren urtez, Salto Bidasoa Xake Klubak Salto Systems Txapelketa antolatu du, Irungo Udalarekin, La Salle Gastronomia Elkartea, Gipuzkoako Xake Federazioa eta Salto Systems gure babesle nagusiarekin lankidetzan. Txapelketa larunbatean, apirilaren 5ean jokatu zen Uranzu pilotalekuan. Arratsaldeko 16:00etatik aurrera, 6 txandako suitzar sistemarekin eta 10 ‘+3ko erritmoarekin jokatu da. Txapelketaz gain, Xake Festa prestatu dute parte hartzaile guztientzat.
Aurtengo txapelketaren irabazlea Jose Angel Rodríguez izan da. Aurtengo edizioan, parte hartzaileen kopuruak gora egin du berriro. Guztira, 143 parte hartzaile izan dira. Izan ere, iaz antolatzaileek ezarritako 120 parte-hartzaileko muga gainditu zen.
Jokalarien artean, 60 Bidasoa Xakeko ikasleak eta bazkideak dira eta gainontzeko 83 parte-hartzaileak, Beraun Bera X.K., Gros X.T., Astigarraga Xake, Taula X.T., Zumaia KBI, Fomento Cultural, Alfil, X.T., Anaitasuna Kakute, Agustin de Leiza, Orio, Hernani, Oberena (Navarra), Zaldiblatza (Bizkaia), Durango (Bizkaia), Sestao (Bizkaia), Bayonne Adour, Angletetik etorritakoak.
Sari banaketa
Txapelketaren erdian askaria, sandwicha eta edaria, eskaini zaie 16 urtez azpikoei eta Xake Festari, eta luncha kategoria absolutuko jokalariei. Txapelketaren amaieran, kategoria bakoitzeko lehen 3 sailkatuei trofeoak eman zitzaizkien, eta dominak 16 urtez azpiko “A” eta “B” kategoriako 4. postutik 12. postura. Sari-banaketa Ricardo Criadok egin zuen, La Salle Gastronomia eta Aisialdi Elkarteko lehendakariordeak.
Kategoria Absolutuan, gainera, garaikurra eman zaie lehen emakumezkoari, 65 urtetik gorako lehen jokalariari, 1900etik beherako lehen bi jokalariei (Elo Fide), 1700etik beherako lehen bi jokalariei (Elo Fide) eta Elo Fide gabeko lehen bi jokalariei.
