Lur-Alai Squash klubak taldekako squash txapelketa antolatu du Gabonen hasiera ospatzeko. Txapelketa abenduaren 17an jokatuko da Artaleku kiroldegiko pistetan. Klubetik txapelketan izena ematera animatzen dute kirol honetan parte hartu nahi duen edozein pertsona, bere maila edozein dela ere. Gainera, txapelketako irabazle eta parte-hartzaileen artean sariak banatuko direla azaldu dute.
Taldekako txapelketa honen bitartez Lur-Alaik klubeko jokalari guztien errealitatea isladatu nahi du. Hau da, gazteek, emakumeek eta gizonek osatutako taldeko mistoak sortu nahi dituzte squasha kirol anitza dela aldarrikatzeko. Txapelketako antolakuntzak taldeak osatuko ditu jokalarien maila parekatzeko.
Lehengo pistaren itxiera
Era berean, Lur-Alai klubetik squashean aritzeko zailtasunak dituztela azaldu dute. Izan ere, Artaleku kiroldegiko lehenengo pistak oraindik itxita jarraitzen du, nahiz eta klubean aspaldi pista berrirekiko zelaren promesa jaso zuten. Klubetik salatu dute pistaren itxierak kirol modalitate honen praktika mugatzen duela. Lur-Alai klubetik eskatu dute egun itxita jarraitzen duen pista lehenbailehen irekitzea.
