Irungo Udaleko Kultura arloak antolatuta, Irungo auzo-elkarteen laguntzarekin, larunbat honetan, azaroaren 23an, egun magiko batez gozatzeko aukera izango dute Erdialdeko bizilagunek, Aldapeta kaleko 7. zenbakian dagoen Erdialde-Zabaltzako auzo-elkartean hainbat jarduera egingo dira eta.
Goizeko 11:30etik aurrera, globoflexia eta txapa tailerra egingo dira. Arratsaldean berriz, 17:30etik aurrera, Berto magoak bere magia ikuskizuna eskainiko du.
Auzoetako kultura agenda
Gogoratu behar da auzoetako kultura-agenda, 2023ko aurrekontuetan parte hartzeko prozesuko proiektu finalistetako bat dela. Udalaren eta hiriko hainbat auzo-elkarteren arteko elkarlanaren ondorioz sortu zen hiriko auzoetan kultura-eskaintza zabaltzeko.
