Girabira programak Gain Gainean parkea hartuko du bihar arratsaldean. Hain zuzen ere, arratsaldeko 18:00etatik aurrera magiarekin loturiko ekintzez gozatu ahalko dute bertaratzen direnek. Girabira familiei zuzendutako programa bat da, Irungo parkeetan barrena gaikako jarduerak antolatzen dituena eta hiria hobeto ezagutzea du helburu.
Magia jardunaldiko lehen ekintza arratsaldeko 18:00etan hasiko da eta 19:30ak arte haurrek magia tailerretan parte hartu ahalko dute. Zehazki, bi tailer antolatuko dira; bata 5 eta 8 urte bitarteko haurrentzat eta, beste bat, 9 eta 12 urte arteko haurrentzat. Guztira, 20 plaza eskainiko dira antolatutako tailer bakoitzean eta horietan parte hartzeko izen ematea parkean bertan egin beharko da. Simplemente Aritz eta Alain Zulaikak gidatutako tailerrak izango dira. Hortaz gain, Armiarma Compagnie-ak Zirkomotrizitatea tailerra antolatuko du.
Arratsaldea amaitzeko, 19:30etik 20:30era “Aztikeriak” magia ikuskizunaz gozatzeko aukera egongo da, Txoborro eta Tor magoen eskutik.
