Sub 18 taldeak Gernikan jokatuko du Gernika/Arratikoren aurka larunbatean, 10:00etatik aurrera
Txingudi/Uribealdeak azken asteetako sentsazio onak izaten jarraitu nahi du bere hirugarren garaipena segidan lortzeko. Aurkaria, Gernika/Arratiko, bigarren sailkatua da 6 puntuko aldearekin Txingudi/Uribealdearen gainetik eta Danon Artean taldea, laugarren sailkatuak, atsedenaldia du asteburu honetan; hortaz, emaitza delakoa izanik, multzoko sailkapenak berdin jarraituko du.
Bi taldeek Gernikan jokatu zuten aurreko partidan, etxekoek garaipen nabarmena lortu zuten 46 eta 0 markagailuarekin.
Pazko asteko ludotekarako izen-ematea irekita
Oporraldietako ludoteken edizio berri bat iragarri du klubak. Pazko astean, apirilaren 11tik 14era, 8 eta 13 urte arteko haurrei zuzendutako kirol- eta aisi-ekintzak eskainiko dira Azken Portuko kiroldegian 9:00ak eta 13:00ak bitarteko ordutegian. Egun guztietan parte-hartzeko prezioa 50 eurokoa izango da, baina egun solteetan izena emateko aukera egongo da eguneko 15 euroko prezioan.
Informazio osoa eta izen-emateak esteka honetan honetan aurki daiteke.
