TriPorters musika taldeak kontzertua eskainiko du larunbat honetan, maiatzak 23, arratsaldeko 19:30ean Kabigorri Bidasoaldeko Ateneoa. Taldea Bidasoko eskualdean bertan (Irun, Hondarribia eta Hendaia artean) finkatuta dago, eta gertuko entzuleen aurrean folk zeltaren espiritua agertoki gainean bizirik mantentzeko asmoarekin igoko da oholtzara.
Taldearen musika-eskaintza tradizio irlandarrean eta zeltan oinarritzen da batez ere. Kantu eta doinu horiek guztiek indarra eta bizitasuna hartzen dituzte euren instrumentu dantzagarriei esker: perkusioa, whistlea, biolina, mandolina eta gitarra uztartzen dituzte zuzenekoetan. Kontzertu bakoitzean, energiaz, emozioz eta publikoarekiko konexio zuzenaz betetako soinu-bidaia bat sortu ohi dute, melodia zelta tradizionalak gaur egungo erritmo eta harmonia modernoagoekin jantziz.
TriPorters taldea musika panoraman eskarmentua duten hiru kide hauek osatzen dute: Mikel Aldalur, ahotsa eta whistle-a, Aitor Etxaniz, perkusioa eta Julio Bravo, biolina, gitarra eta mandolina.
