Txingudiko Zerbitzuak-ek jakinarazi du Eguberritako jai egunak direla eta, jendaurreko arretan eta ohiko zenbait zerbitzutan aldaketak izango direla. Irungo eta Hondarribiko bulegoak hainbat egunez itxiko dira eta Garbiguneek ordutegi berezia izango dute. Bestetik, abenduaren 24ko eta 31ko gauetan ez da zabor bilketarik izango.
Jendaurreko bulegoa
Bezeroen arretari dagokionez, Irungo bulegoa abenduaren 22tik aurrera itxita egongo da, eta urtarrilaren 5ean berreskuratuko du bere ohiko ordutegia eta jarduna. Bestalde, Hondarribian Txingudiko Zerbitzuen Herritarrentzako Arreta Bulegoak ez du zerbitzurik eskainiko Gabonetako egunetan zehar, urtarrilaren 5a barne.
Hondakinen bilketa
Hondakinen bilketari dagokionez, gogorarazten da abenduaren 24ko eta 31ko gauetan ez dela zabor bilketarik egingo, ezta tamaina handiko hondakinen bilketarik ere; hori dela eta, egun horietan hondakinak kalera ez ateratzeko eskaera egiten dute Txingudiko Zerbitzuetatik.
Garbiguneak
Era berean, jakinarazten da Arasoko eta Akartegiko Garbiguneek ordutegi berezia izango dutela egun horietan: goizez bakarrik egongo dira zabalik, 10:00etatik 13:00etara. Gainerako egunetan, ohiko ordutegiarekin jardungo dute.
Txingudiko Zerbitzuak-ek herritarren lankidetza eskertzen dute, eta gogorarazten dute aldaketa puntual hauek errespetatzea funtsezkoa dela zerbitzuen funtzionamendu egokia bermatzeko, bereziki adierazitako datetan.
