Urtero legez, Txingudiko Zerbitzuak Behobia-Donostia lasterketarekin bat egingo du. Parte-hartzaileek esperientzia bikaina izan dezaten eta ikusleek ingurune garbi eta atseginaz goza dezaten zerbitzu bereziak eskainiko ditu igande goizean. Lasterkan zehar ur-hornidura eskainiko du hainbat puntutan. Gainera, lasterketa amaitutakoan, garbiketa operatibo berezia aktibatuko du.
Hornidura
Lasterketan zehar, Txingudiko Zerbitzuak ur-hornidura eskainiko du hainbat puntu estrategikotan: irteeran (Behobia), Colón pasealekuan eta Gaintxurizketako igoeran.
Garbiketa operatibo berezia
Garbiketa eta hondakin-bilketa dispositiboak 6.000 € inguruko kostua izango du. 30 pertsonako talde bat arduratuko da ekitaldian erabilitako edukiontziak, mahaiak eta banderolak garbitzeaz eta lekualdatzeaz. Hondakinak behar bezala sailkatzea errazteko, guztira arropentzako lau edukiontzi jarriko dira, eta ontzi-arinak eta kartoia biltzeko beste 30 edukiontzi. Ondoren, hondakinak behar bezala bereiziko dira Garbigunean, ekitaldiaren jasangarritasunari laguntzeko.
Gainera, igandeetako ohiko langileek ibilbidea garbitzen lagunduko dute lasterketa amaitutakoan, Nafarroa hiribidea, Colón pasealekua, Luis Mariano, Zabaltza Plaza eta Gipuzkoa Etorbidean zehar. Ondoren, hondakin horiek ere behar bezala bereiziko dira Garbigunean, ekitaldiaren jasangarritasunari laguntzeko.
