Irungo Zeramika tailerrak eta Marrazketa eta Pintura akademiak ikastaro berriak aurkeztu dituzte. Ikastaroetan izena emateko epea martxoaren 15ean irekiko da. Tailerretan parte hartzeko izenematea udal webgunearen bitartez egin behar da.
- Zeramikaren hastapenei buruzko tailerra
Lehena Zeramikaren hastapenei buruzko tailerra izango da. Zeramika tailerraren barruan, oinarrizko hiru teknika landuko dira: txurroak, plakak eta atximurrak. Ondoren, piezak bizkotxatu, eta, behin lehortuta daudela, jaso egingo dira. Ikastaro hori martxoaren 25ean, larunbatean, egingo da goizeko 10:00etatik 18:00etara. Zeramika ikastaroak 40,80 euroko prezioa du eta bertan parte hartzeko ez da beharrezkoa aurrez inongo ezaupiderik izatea.
- Giza irudia modelo naturalarekin
Modelo profesional bat baliatuz giza gorputza irudikatzeko praktika bat izango da martxoaren 25ean, larunbatean, goizeko 10:00etatik 13:00etara egingo den tailer hau. Ikastaroaren prezioa 16,20 eurokoa izango da eta ez da aurretik gaiari buruzko ezaupiderik izatea bertan parte hartu ahal izateko. Interesdunek egoitza elektronikoaren bidez eman ahalko dute izena, martxoaren 15etik 22ra arte.
Bestalde, ekainera bitarteko zeramika tailerrak iragarri dira. Hasiera data gerturatu ahala, ikastaro bakoitzean izena emateko epea jakinaraziko da.
- Nériage ikastaroa
Tailer honetako piezak egiteko, ikastaroko parte hartzaileek nériage delako teknika erabiliko dute. Horrela, ikastaroa kolore desberdineko buztina oratu gabeko bloke batean elkartzean eta, horrela, marmol zaindunaren antzeko zerbait sortzean datzan. Tailerra apirilaren 21ean, ostiralean, 10:00etatik 18:00etara egingo da eta prezio 40,80 eurokoa da.
- Zeramikaren hastapenei buruzko ikastaroa
Zeramikaren hatapenei buruzko ikastaroaren barruan, oinarrizko hiru teknikak landuko dira: txurroak, plakak eta atximurrak. Ondoren, piezak bizkotxatu, eta, behin lehortuta daudela, jaso egingo dira. Ikastaroa maiatzaren 26an, ostiralean, egingo da eta 10:00etatik 18:00etara. Parte-hartzaileek 40,80 euro ordaindu beharko dituzte eta bertan parte hartzeko ez da aurretiazko ezagutzarik izan behar.
- Raku ikastaroa
Esmaltatze formulei buruzko prestakuntza emango da eta zenbait piezatan aplikatuko da ekainaren 16ko, ostiraleko, ikastaroa. Goizeko 10:00etatik 18:00etara izango da eta 40,80 euro ordaindu beharko dira parte hartzeko. Ikastaroari buruzko informazio gehiago lortzeko deitu 617 479 021telefono zenbakira edo idatzi zeramika@irun.org helbide elektronikora.
