Iga Abesbatzak Santa Zezilia egunaren harira prestatutako kontzertu berezia eskainiko du datorren larunbatean, azaroak 21, Irunen. «Argiaren Oihartzunak» izenburupean, musika-emanaldia arratsaldeko 20:00etan hasiko da Pentecostes Parrokian. Antolatzaileek jakinarazi dutenez, sarrera erabat doakoa izango da, herritar guztiei kantu koralaz zuzenean gozatzeko aukera irekia eskaintzeko asmoz.
Santa Zezilia musikarien zaindariaren ospakizunekin bat eginez, abesbatzak zabalkunde-deia egin du Irungo eta eskualdeko musikazaleak larunbat arratsaldeko hitzordura animatzeko. Taldearen jarduerari edota emanaldiari buruzko informazio gehiago eskuratu nahi dutenek abesbatzaren Instagram kontuaren bidez (@iga.abesbatza) zein iga.abesbatza@gmail.com helbide elektronikora idatzita jar daitezke harremanetan.



